ನಾವ್ ಸಿಂಗಪುರ್ ಮಾಡೋ ಸಿದ್ಧತೆಲಿ ಇದೀವ್ರಿ. ಸದ್ಯಕ್ಕೆ ನಾವ್ ಇರೋದ್ ಇಂಗೆನೆಯ !
ಇದೇನು ಅಂತ್ ಕೇಳ್ರಿ. ಅದೇ ನಮ್ ಮುಂಬೈ ನಗರದ ’ ಘಾಟ್ಕೋಪರ್ ರೈಲ್ವೆ ಸ್ಟೇಶನ್ ’ ಕಣ್ರಿ. ಇಲ್ಲಿ ನಮ್ ಹಸ್ಗ್ಳುದಿನವೆಲ್ಲಾ ಮಲ್ಗಿ, ಅದೂ-ಇದು ತಿಂದು ಹಾಲ್ ಕೊಡ್ತಾವ್ರ್ರಿ. ಬದಿನಾಗ್ ಐತಲ್ರಿ, ಹುಲ್ಲಿನ್ ಬಣ್ವಿ ನೋಡೀರಲ್ಲೊ ಅದನ್ನ್ ಇಡೋದೆಲ್ಲ್ರಿ. ನಮ್ ಶಹರ್ನಾಗೆ, ದಾರಿ ಕಸ-ಗಿಸ ಗುಡ್ಸೋದ್ ನಮ್ಜನಕ್ಕೆ ಹ್ಯಾಗ್ ತಿಳೀಬೇಕ್ರಿ. ನಿಮಗ್ ಗೊತ್ತಿಲ್ಲೇನು ? ಇಲ್ಲೇ ನಾವ್ ನಮ್ ಊರಿಗೆ, ಟಿಕೀಟ್ ರಿಸರ್ವ್ ಮಾಡ್ಸೋದು. ’ಸಿ. ಎಸ್. ಟಿ ’ ಗ್ ಯಾರ್ಹೋಕ್ತಾರ್ರಿ. ದೂರಲ್ಲೇನ್ರಿ. ನೋಡ್ರಿ.
ಏನಿಲ್ಲ ಇಲ್ಲಿ ? ಈ ಬುಕಿಂಗ್ ಸ್ಟೇಶನ್ ನಾಗ ? ಏ. ಟಿ. ಎಮ್ ಕೌಂಟ್ರ್ ಐತಲ್ರಿ. ಒಳ್ಗೋಗ್ರಿ. ನಿಮ್ಗೆ ಕೂತ್ಗೊಳ್ಳಕ್ಕೆ ಸ್ಥಳ ಮಾಡಿಲ್ರಿ. ಯಾಕ್ ಬೇಕ್ರಿ. ನಿಮ್ ನಿಮ್ ಕೆಲ್ಸ ಮಾಡ್ಕೊಂಡ್ ನಡೀತಿರ್ರಿ. ಕೂತ್ಗಂಡು ಗಪ್ಪ ಹೊಡೀತೀರೇನು. ನ. ಅದೆಲ್ಲ ನಡ್ಯಂಗಿಲ್ರಿ. ಇಲ್ಲಿ. ಅಗ್ಧಿ ಬಿಝಿನೆಸ್ ಅಂದ್ರೆ ಬಿಝಿನೆಸ್ !
ನಿಮಿಗ್ ಗೊತ್ತೈತೊ ಇಲ್ಲೊ, ಹೊರ್ಗ್ ಹೋಗ್ರಿ. ’ಮೆಟ್ರೊ ರೈಲ್ ಕೆಲ್ಸ” ಜೋರಾಗ್ ನಡ್ದೈತ್ರಿ. ಇರೋ ಚಿಕ್ದೊ -ದೊಡ್ದೊ ರಸ್ತೆಗಳ್ನ ಅಗ್ದು, ಕೆಡ್ವಿ, ಒಡ್ದು, ಸಿಗ್ದ್ ಹಾಕಿದಾರ್ರಿ. ಇನ್ನೇನ್ ಮಳೆಗಾಲ ಬಂತಲ್ರಿ. ಕೆಲ್ಸ ಬಂದ್ ಮಾಡ್ತಾರೆ ಅಂತ ನಾವ್ ತಿಳ್ಕೊಂಡಿದ್ವಿ. ಆದ್ರೆ, ಪೇಪರ್ರಿನ್ ಖಬ್ರೇ ಬ್ಯಾರೆ ಐತ್ರಿ. ಕೆಲ್ಸ ಬಿಡ್ದಂಗೆ ಮುಂದ್ವರ್ಸ್ಕೊಂಡ್ ಹೋಗೋ ಇರಾದೆ ಐತೆ, ಅಂತ ಈಗೇನೊ ಹೇಳ್ತಾರ್ರಿ. ಅದೆಷ್ಟ್ ಖರೇ ಐತೆ, ಅನ್ನೋದ್ ಈಗ್ ಹ್ಯಾಂಗ್ ಹೇಳ್ಲಿಕ್ಕಾಗತ್ರಿ, ಸಾಹೇಬ್ರೆ ?
ಕಾದ್ ನೋಡ್ರಿ.
-ಈ ಚಿತ್ರ ತೆಗ್ಯೋದ್ ನನ್ ಹಣೇನಾಗ್ ಬರ್ದಿದ್ರೆ, ತಪ್ಸಕ್ಕಾಗತ್ತೇನ್ರಿ...