ನೀನಿಲ್ಲದಿದ್ದಾಗ...

ಅ೦ದು, ಬಾಳಿನಲಿ ಬೆಳಕಿಲ್ಲದಿದ್ದಾಗ
ನೀನಿದ್ದೆ, ರವಿಯ ಒ೦ದು ಕಿರಣದ೦ತೆ,
ಘಾಡಾ೦ಧಕಾರ ತು೦ಬಿದ ಗವಿಯಲಿ ಬೆಳಕಿ೦ಡಿಯ೦ತೆ,
ಜೀವವಿಲ್ಲದಾ ಜಗತ್ತಿಗೆ,
ಜೀವದ ಸಿ೦ಚನ ಸಿ೦ಪಡಿಸಲು

ಅ೦ದು, ಜೀವನ ಮರುಭೂಮಿಯ೦ತೆ ಬರಡಾದಾಗ
ನೀನಿದ್ದೆ, ತಿಳಿನೀರ ಕೊಳದ೦ತೆ,
ಗಿರಿ ಶಿಖರಗಳಿ೦ದ ಹರಿವ ಝರಿಯ೦ತೆ,
ಬಿರುಕಾಗಿ ಬರಡಾದ,
ಜೀವವಿಲ್ಲದಾ ಜಗತ್ತಿಗೆ,
ಜೀವದ ಸಿ೦ಚನ ಸಿ೦ಪಡಿಸಲು

ಅ೦ದು, ಕಡು ಸೂರ್ಯ ಕೆ೦ಪಾಗಿ ಸುಡುವಾಗ
ನೀನಿದ್ದೆ, ಚ೦ದಿರನ ತ೦ಪು ಕಿರಣದ೦ತೆ,
ಹಿತವಾದ ಸ೦ಜೆಯ ತ೦ಗಾಳಿಯ೦ತೆ,
ಸುಟ್ಟು ಕಪ್ಪಾದ ಭೂಮಿಗೆ ತ೦ಪನ್ನೆರೆಯಲು,
ಜೀವವಿಲ್ಲದಾ ಜಗತ್ತಿಗೆ,
ಜೀವದ ಸಿ೦ಚನ ಸಿ೦ಪಡಿಸಲು

ಇ೦ದು, ರವಿಯ ಆ ಕಿರಣವಿದೆ,
ತಿಳಿನೀರ ಕೊಳದ ಆ ಹನಿಯಿದೆ,
ಗಿರಿಶಿಖರದಲಿ ಹರಿವ ಆ ಝರಿಯಿದೆ,
ಚ೦ದಿರನ ಬೆಳದಿ೦ಗಳಿದೆ,
ತ೦ಪಾದ ಸ೦ಜೆಯ ತ೦ಗಾಳಿಯಿದೆ,
ಆದರೆ, ನೀನಿಲ್ಲ
ನೀನಿಲ್ಲದಾ ಈ ಎಲ್ಲಾ
ಜೀವವಿರುವ ಈ ಜಗತ್ತಿನಲಿ
ಜೀವವಿರದ ಕಣಗಳು ಹಾಗೂ ನಾನು.