ನೀನುಳಿದೆ ಬದಲದೇ...

ಕಪ್ಪು ಬಿಳುಪಿನ ಕಾಲ ಸಂದಿದೆ

ಈಗ ಬಣ್ಣದ ಜಗವಿದು

ನೀನು ಏತಕೆ ರೂಪ ಬದಲದೆ

ಹಿಂದಿನಂತೆಯೆ ಉಳಿದುದು

ಹೊಸತು ಕಂಡರೆ ಹಳತು ಮೂಲೆಗೆ

ಸರಿಸಿ ಬಿಡುವರು ಈ ಜನ

ಸೊಗಸಿನೆಲ್ಲವು ತನ್ನದೆನ್ನುತ

ಬಳಸಿ ಎಸೆಯುವ ದುರ್ಗುಣ

ನಿನ್ನ ಸ್ವಂತಿಕೆ ಉಳಿಸಿಕೊಂಡಿಹೆ

ಅದುವೆ ಶ್ರೇಷ್ಠವು ಎನಿಸಿತೆ

ಮನುಜನಂತೆಯೆ ಬಣ್ಣ ಬದಲಿಪ

ಗೀಳು ಬಾರದೆ ಹೋಯಿತೆ?

ಸುತ್ತ ಹಸಿರಿನ ಸಸ್ಯ ತುಂಬಿದೆ

ಹೂವನರಸುತ ಬಂದೆಯಾ

ದಣಿವನಾರಿಸೆ ಕೊಂಚ ಸಮಯಕೆ

ಪಡೆದ ಎಲೆಗಳ ಆಶ್ರಯಾ||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್ 

ಚಿತ್ರ ಕೃಪೆ: ಇಂಟರ್ನೆಟ್ ತಾಣ