ಬಂತು ಪಾತರಗಿತ್ತಿ

 ಬಂತು ಪಾತರಗಿತ್ತಿ ಧರೆಯ ಸುತ್ತಿ 

ಬಣ್ಣ ಬಣ್ಣಗಳ ರೆಕ್ಕೆ ಬಿಚ್ಚಿ 

ಬಂದಿಳಿಯಿತು ಆಕಾಶದಿಂದ 

ಸುಂದರ ಸುಮ ತೋಟದೊಳಗೆ

ವಿಧ ವಿಧದ ವರ್ಣಗಳ 

ಸುಂದರ ಪುಷ್ಪಗಳು

ದಿಗಿಲಿಗೊಂಡಿತು  ಚಿಟ್ಟೆ 

ಪುಷ್ಪಮೇಳ ಕಂಡು 

ಯಾವ ಸುಮದೊಡನೆ 

' ಸರಸವಾಡಲಿ ' ಎಂದು

ತುಂಟ ಸುಮಗಳ

ಚಂಚಲ ಕಣ್ಣೋಟ

ಗಾಳಿಯಲಿ ಬಳಕುವ

ಒನಪು ಒಯ್ಯಾರ 

ತುಂಟ ಪಿಸುಮಾತುಗಳ 

' ಒಲವ ಧಾರೆ ' 

ಅಗಣಿತ ಸುಮಗಳ 

ಚಂಚಲ ಕಣ್ಣೋಟ ಕಂಡು 

ತಬ್ಬಿಬ್ಬಾಯ್ತು  ತಡವರಿಸಿತು 

ಬಡಪಾಯಿ ಚಿಟ್ಟೆ 

ಹಾರಿತು ಬಂದ ದಾರಿಗೆ 

' ಸುಂಕವಿಲ್ಲೆಂದು '

ಕಣ್ಣರಳಿಸಿದವು 

ಬಿರಿದ ಸುಮ ವೃಂದಗಳು 

ತಬ್ಬಿಬ್ಬಾದ ಚಿಟ್ಟೆಯನು ಕಂಡು