ಬನ್ನಿರಿ ಚಿಣ್ಣರೆ ಆಟವಾಡಲು ಬರುತಿದೆ ಬೇಸಿಗೆಯು

ಬನ್ನಿರಿ ಚಿಣ್ಣರೆ ಆಟವಾಡಲು ಬರುತಿದೆ ಬೇಸಿಗೆಯು

ಶಾಲೆಯ ಮರೆತು ಪುಸ್ತಕವ ತೊರೆದು ಬನ್ನಿರಿ

ಮೈದಾನಕೆ ಆಡುವ ಆಟವ ಲೋಕವ ಮರೆತು..

 

ಗಿಲ್ಲಿ ದಾಂಡು, ಲಗೋರಿ, ಛೂ ಚೆಂಡು, ಕಬಡ್ಡಿ,

ಕ್ರಿಕೆಟ್, ಕಾಲ್ಚೆಂಡು, ಖೋ ಖೋ, ಹಾಕಿ,

ಒಂದೇ ಎರಡೇ ಲೆಕ್ಕವಿಲ್ಲದಷ್ಟು ಆಟವ ಆಡೋಣ ಬನ್ನಿ..

 

ಸೂರ್ಯನ ಬಿಸಿಲಿಗೆ ಪೈಪೋಟಿ ಕೊಟ್ಟು ಆಡುವ ಬನ್ನಿ..

ಬಿಸಿಲ ಲೆಕ್ಕಿಸದೆ ಬೆವರ ಹರಿಸಿ ಆಡುವ ಬನ್ನಿ..

ಮೈಯೆಲ್ಲಾ ಮಣ್ಣಾಗಿಸಿ ದಣಿದು ಕುಣಿದು ಆಡುವ ಬನ್ನಿ...

 

ಕಂಪ್ಯೂಟರ್, ಟಿ.ವಿ. ಸಿನಿಮ ಎಲ್ಲ ಬಿಟ್ಟು ಬನ್ನಿ..

ಉಲ್ಲಾಸಕರ ಉತ್ಸಾಹಕರ ಆಟವ ಆಡಿ ಬನ್ನಿ..

ಗೆಳೆಯರೊಡನೆ ಕೂಡಿ ಸಂಭ್ರಮಿಸೋಣ ಬನ್ನಿ..

 

ಸೋಲು ಗೆಲುವು ಜಗಳ ಮುನಿಸು ಎಲ್ಲವು ಉಂಟು ಇಲ್ಲಿ..

ಸ್ಪರ್ಧಾತ್ಮಕ ಮನೋಭಾವ ಇಟ್ಟು ಆಡೋಣ ಬನ್ನಿ...

ಮನಸಿಗೆ ಮುದ ಕೊಡುವ ಆಟವ ಆಡೋಣ ಬನ್ನಿ...

 

ಆಟವ ಮುಗಿಸಿ ಶರಬತ್ತು, ಐಸ್ ಕ್ಯಾಂಡಿ ತಿನ್ನುವ ಬನ್ನಿ..

ಬೇಸಿಗೆ ರಜೆ ಮುಗಿಯುವ ಮುಂಚೆ ಎಲ್ಲ ಆಟವ ಆಡೋಣ ಬನ್ನಿ..

ರಜೆಯ ಮುಗಿಸಿ ಹೊಸ ಪುಸ್ತಕ ಹಿಡಿದು ಶಾಲೆಗೆ ಹೋಗೋಣ ಬನ್ನಿ