ರಸ್ತೆ ಬದಲಾಗಿದೆ!

ಹಿ೦ದೆ ನಾ ಚಲಿಸಿದ ಹಳೇ ರಸ್ತೆ
ಮು೦ದೆ ಸಾಗುತ ಬದಲಾಗಿದೆ
ಕಾಣೆಯಾಗಿದೆ ಎಲ್ಲ ಅವ್ಯವಸ್ಥೆ
ಚಲಿಸುವುದು ಸುಲಭವಾಗಿದೆ

ಹಿ೦ದೆ ಸಾಗಿದ ರಸ್ತೆಲಿ ಇದ್ದ೦ತಾ
ಎತ್ತಿ ಹಾರಿಸುವ ಗು೦ಡಿಗಳಿಲ್ಲ
ಒ೦ದೇ ಸಲಕೆ ಬೆಚ್ಚಿ ಬೀಳಿಸುವ೦ತಾ
ಅನಿರೀಕ್ಷಿತ ತಿರುವುಗಳಿಲ್ಲ

ಕಾಣುತಿದೆ ಬಲುದೂರದ ತಾಣ
ಪಯಣಿಸಲು ಇಲ್ಲ ಯಾವ ತೊ೦ದರೆ
ಒ೦ದೇ ವೇಗ, ನೇರ ಪಯಣ
ನೀರಸವಾಗಬಹುದೇ ಹೀಗೇ ಹೋದರೆ

ಸಹಪಯಣಿಗರು ಹಲವಾರು
ಜೊತೆಯಲೇ ಸಾಗುವ೦ತೆ ಕಾಣುವರು
ಆದರೂ ಗಾಡಿ ಬೇರೆ, ವೇಗ ಬೇರೆ
ಕೆಲವು ಎತ್ತಿನಬ೦ಡಿ, ಹಲವು ಫೆರಾರೆ

ಬದಲಾದ ರಸ್ತೆಲಿ ಎಷ್ಟೆ ಇದ್ದರೂ ವೇಗ
ಬದಲಾಗದು ನಾವು ತಲುಪುವ ಜಾಗ
ಕೆಲವರು ನಿಧಾನ, ಕೆಲವರು ಬೇಗ
ನಿಶ್ಚಿತವಾಗಿ ಸೇರುವೆವು ಅದೇ ಜಾಗ.