ರಾಜು ಅನಂತಸ್ವಾಮಿ ಇನ್ನಿಲ್ಲ

ತಮ್ಮ ಮಧುರ ಕಂಠದಿಂದ ಎದೆ ತುಂಬಿ ಹಾಡಿದ್ದ ಗಾಯಕ ರಾಜು ಅನಂತಸ್ವಾಮಿ ಇಂದು ಮಧ್ಯಾಹ್ನ 12.15ಕ್ಕೆ ಅನಂತದಲ್ಲಿ ಲೀನವಾದರು. ಇನ್ನೂರೈವತ್ತಕ್ಕೂ ಹೆಚ್ಚು ಭಾವಗೀತೆಗಳಿಗೆ ರಾಗ ಸಂಯೋಜಿಸಿ ಹಾಡಿದ್ದ ರಾಜು, ಸುಮಾರು ಸಿನಿಮಾ-ಟಿವಿ ಧಾರಾವಾಹಿಗಳಲ್ಲಿ ಅಭಿನಯವನ್ನೂ ಮಾಡಿದ್ದರು. ಅನೇಕ ಕ್ಯಾಸೆಟ್-ಸಿಡಿಗಳನ್ನು ಹೊರ ತಂದಿದ್ದ ಇವರು ಸುಗಮ ಸಂಗೀತ ಲೋಕದ ದಿಗ್ಗಜ ಮೈಸೂರು ಅನಂತಸ್ವಾಮಿಯವರ ಮಗ. ದೇಶ-ವಿದೇಶಗಳಲ್ಲಿ ಕಾರ್ಯಕ್ರಮಗಳನ್ನು ನೀಡಿದ್ದ ಇವರು ಕನ್ನಡ ಜನಮಾನಸದಲ್ಲಿ ಮರೆಯದ ಹೆಸರು. ಮೈಸೂರು ಮತ್ತು ಬೆಂಗಳೂರಿನಲ್ಲಿ ಸಂಗೀತದ ಶಾಲೆ ನಡೆಸುತ್ತಿದ್ದ ರಾಜು ಅವರಿಗೆ, ಅನೇಕ ಶಿಷ್ಯಂದಿರು ಇದ್ದರು. ತೀವ್ರ ಕುಡಿತದ ಚಟ ಈ ಗಾಯಕನ ಅಕಾಲ ಮರಣಕ್ಕೆ ಕಾರಣವಾಯಿತು.