ವಿಶ್ವ ಮಾನವ ಸಿದ್ಧಾಂತ!

ಸಿದ್ಧಾಂತಗಳ ಹಿಂದೆ ಬಿದ್ದ ಸೋಗಲಾಡಿಗಳೇ...

ನಿಮ್ಮುದ್ಧಾರಕೆ ಇವುಗಳ ಹಿಂದೆ ಬಿದ್ದಿರುವಿರೇ!

ಈ ಜಗದಲಿ ಸಿದ್ಧಾಂತಗಳ ಬೆನ್ನುಹಿಡಿದಿಹರಲ್ಲ

ಲೋಕದಲಿ ಮಾನವೀಯ ಸಿದ್ಧಾಂತವೇ ಎಲ್ಲ

ನಿಮ್ಮನು ಗುರುತಿಸಿಕೊಳ್ಳಲೊಂದು ಸಿದ್ಧಾಂತ

ಬೇಳೆಯ ಬೇಯಿಸಿಕೊಳ್ಳಲೊಂದು ರಾದ್ಧಾಂತ!

ಸಿದ್ಧಾಂತಗಳೆಂದು ದಾರಿಯ ತಪ್ಪಿಸುತಲಿರುವಿರೇ

ಇಲ್ಲಿ ನಿಮ್ಮ ಅಸ್ತಿತ್ವಕೊಂದು ಸಿದ್ಧಾಂತದ ನೆಪವೇ?

ಮೊದಲು ನಿಮ್ಮ ಮನದ ಸಿದ್ಧಾಂತವನರಿಯಿರೇ

ವಿಶ್ವ ಸಿದ್ಧಾಂತಕೆ ಮೊದಲು ನೀವು ತೆರೆದುಕೊಳ್ಳಿರೇ!

ಈ ಜಗಕೆ ಬೇಕಿಂದು ನ್ಯಾಯ ನೀತಿಗಳ ಸಿದ್ಧಾಂತ

ಬೇಕಾಗಿದೆಯಿಂದು ಕರುಣೆ ಸಹಕಾರದ ತತ್ವಾಂಶ

ಒಣ ಸಿದ್ಧಾಂತ ಪ್ರತಿಪಾದಿಸಿದ ಮನುಜನೇ ಛಿದ್ರ

ಈ ವಿಶ್ವ ಮಾನವ ಸಿದ್ಧಾಂತವೇ ಜಗಕಿಂದು ಭದ್ರ!

-ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ