ವೆಜಿಟೇಬಲ್ ಪ್ಯಾಟೀಸ್

ಕಾದ ಎಣ್ಣೆಗೆ ಸಾಸಿವೆ- ಇಂಗಿನ ಒಗ್ಗರಣೆ ಮಾಡಿ. ಹಸಿ ಮೆಣಸಿನ ಕಾಯಿ, ಈರುಳ್ಳಿ ಹಾಕಿ ಬಾಡಿಸಿ, ಬೀನ್ಸ್, ಕ್ಯಾರೆಟ್ ತುರಿ, ಆಲೂಗಡ್ಡೆ ತುರಿಗಳನ್ನು ಹಾಕಿ ಸ್ವಲ್ಪ ನೀರಿನೊಂದಿಗೆ ಬೇಯಿಸಿ. ಈ ಮಿಶ್ರಣಕ್ಕೆ ಉಪ್ಪು, ಗರಮ್ ಮಸಾಲೆ ಹುಡಿ, ಕೊತ್ತಂಬರಿ ಸೊಪ್ಪು ಹಾಕಿ ಕೈಯಾಡಿ ಒಲೆಯಿಂದ ಕೆಳಗಿಡಿಸಿ. ತರಕಾರಿ ಮಿಶ್ರಣ ತಣಿದ ಮೇಲೆ, ಬ್ರೆಡ್ ಚೂರು ಹಾಗೂ ಕಡಲೇ ಬೀಜದ ತರರಿ ಸೇರಿಸಿ, ವಡೆಯಾಕಾರದಲ್ಲಿ ತಟ್ಟಿ, ಚಿರೋಟಿ ರವೆಯಲ್ಲಿ ಹೊರಳಿಸಿ, ಕಾಯಿಸಿ ಎಣ್ಣೆ ಸವರಿದ ತವಾದ ಮೇಲೆ ಎರಡೂ ಬದಿಯನ್ನು ಹೊಂಬಣ್ಣ ಬರುವವರೆಗೆ ಬೇಯಿಸಿದರೆ ವೆಜಿಟೇಬಲ್ ಪ್ಯಾಟೀಸ್ ತಯಾರು.