ಶಿವಮೊಗ್ಗೆಯ ಕನ್ಯಕಾ ಪರಮೇಶ್ವರಿ, ಮೈಲಾರೇಶ್ವರರ ಕುರಿತು..

ಕಾಯಮ್ಮ ಕನ್ಯಕಾ ಪರಮೇಶ್ವರಿ

ಕಾಯಮ್ಮ ಜಗದೀಶ್ವರಿ

ಕನ್ಯಕಾ ಪರಮೇಶ್ವರಿ

ಹರಿಸಮ್ಮ ಪ್ರೀತಿಯ ಜರಿ

ಹರಸಮ್ಮ ಜ್ನಾನದ ಸಿರಿ|1|

ಎಡಬದಿಯಲಿ ನವಗ್ರಹ

ಸರ್ವ ಕಷ್ಟಗಳ ಪರಿಗ್ರಹ

ಬಲಬದಿಯಲಿ ಸೀತಾರಾಮ

ಕಷ್ಟಗಳ ಕಳೆವ ಆ ಹನುಮ|2|

ನಿನ್ನ ಹಿಂದಿಹನು ನಗರೇಶ

ಜತೆಗೆ ನಿಂತಿಹನು ಜನಾರ್ಧನ

ಶ್ರೀಲಕ್ಷ್ಮಿಯಿಹಳು, ಗಣಪತಿಯಿಹನು

ಇಹದಿ ಸುಖಗಳ ಕರುಣಿಸುವವರು

ನಮ್ಮನು ಕಾಯಮ್ಮ

ಕನ್ಯಾಕುಮಾರಮ್ಮ|3|

ಮೈಲಾರೇಶ್ವರ ನಮೋ ನಮೊ

ಹೊರದ್ವಾರದಲಿ ಷಣ್ಮುಖ

ಮತ್ತೊಂದೆಡೆಯಲಿ ಗಜಮುಖ

ಎದುರು ಕುಳಿತಿಹ ನಂದಿಯಣ್ಣ

ನೋಡಲೆರಡು ಸಾಲದು ಕಣ್ಣು

ನಿನ್ನ ಮುಕ್ಕಣ್ಣ|1|

ಧಾರವಾಡದ ಮೈಲಾರಗುಡ್ಡ

ದಿಂದಿಲ್ಲಿಗೆ ಬಂದಿಹೆಯಂತೆ

ವರ್ಷಕ್ಕೊಮ್ಮೆ ನಿನ್ನ ತೇರಂತೆ

ಮೈಲಾರೇಶ್ವರನೆ|2|

ಮೈಲಾರಿಗಳಿಗೆ ನೀ ಆಶ್ರಯವಂತೆ

ಮೈಮೇಲೆ ತೇರ ದಿನ ಬರ್ತೀಯಂತೆ

ಜಗದ ಭವಿಷ್ಯವ ನುಡಿತೀಯಂತೆ

ಹಲ್ಲಲೇ ಕಬ್ಬಿಣ ಕಡಿತೀಯಂತೆ

ಎದುರಿಟ್ಟ ಮೂರು ಕಲ್ಲೆತ್ತೀಯಂತೆ

ಪಾರ್ವತಿ ಪತಿಯೆ ನಮೋ ನಮೊ|3|

ಮೈಲಾರಿಗಳ ವಾದ್ಯ ಮಧ್ಯಾನದಾರ್ತಿ

ನವರಾತ್ರಿ ಬನ್ನಿಗೆ ತಪ್ಪದೇ ಬರುತಿ

ನಂಬಿ ನಡೆದವರ ಕಷ್ಟವ ಕಳೆಯುತಿ

ನಮ್ಮೇಲೂ ಇರಲಿ ನಿನ್ನಯ ಪ್ರೀತಿ

ಪರಮೇಶ್ವರನೇ ನಮೋ ನಮೊ