ಸ್ಕಂದ ಸ್ವಾಮಿ ರಕ್ಷಿಸು

ಪರಶಿವನ ಆತ್ಮಜನೆ ಷಣ್ಮಖ ಸ್ವಾಮಿಯೇ/

ದುರಿತಗಳ ಪರಿಹರಿಸು ಕಾರ್ತಿಕೇಯನೇ//

ಸುಬ್ರಹ್ಮಣ್ಯದಲಿ ನೆಲೆನಿಂತ ಸುಬ್ಬಪ್ಪನೇ/

ಭಕ್ತರು ನಮಿಪರು ನಿನ್ನಂಘ್ರಿಗೆ ಸ್ಕಂದನೇ//

ದುಷ್ಟ ತಾರಕನ ಅಟ್ಟಹಾಸವ ಮೆಟ್ಟಿದವನೇ/

ಕಷ್ಟಗಳ ನಿವಾರಿಸಿ ಅನವರತ ಪೊರೆಯುವವನೇ//

ಪೂಜೆ ಉಪವಾಸ ವ್ರತ ನೇಮ ನಾಗರಾಜನೇ/

ಹಾಲು ಮೊಸರು ತುಪ್ಪ ಹೂಗಳ ನೈವೇದ್ಯ ಗೊಂಬವನೇ //

ಬ್ರಹ್ಮ ರಥೋತ್ಸವ ಪಲ್ಲಕ್ಕಿ ಮೆರವಣಿಗೆ ವಿಶೇಷನೇ/

ಕರ್ಮಗಳ ನಿವಾರಿಸಿ ಹರಸಿ ಪೊರೆಯುವವನೇ//

ಪಲ್ಲಪೂಜೆ ಬೀದಿ ಮೆರವಣಿಗೆ ವೈಭವ ಗುಹನೇ/

ಚಂಪಾ ಷಷ್ಠಿಯಲಿ ವಿಜೃಂಭಿಸುವ ಮಯೂರವಾಹನನೇ//

-ರತ್ನಾ ಕೆ ಭಟ್, ತಲಂಜೇರಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ