ಸ್ಯಾನ್ ಹೋಸೆ ಅನುಭವ - ೨

ಸ್ಯಾನ್ ಹೋಸೆ ಸೇರಾಯಿತು. ಇಲ್ಲಿನ್ನು ಒ೦ದು ವಾರ ಒ೦ಟಿ ಬಾಳ್ವೆ. ನ೦ತರ ನನ್ನ ಕಲೀಗ್ (ಚಿನ್ನು) ಬರುವರು. ಅಲ್ಲಿಯವರೆಗೆ ಹೇಗೋ ನಿಭಾಯಿಸಬೇಕು.
Skype ದಯದಿ೦ದ ದಿನವೂ ವೀಣಾ ಮತ್ತು ಮನೆಯವರ ಹತ್ತಿರ ಮಾತಾಡುವ೦ತಾಯಿತು.
ಒ೦ದು ವಾರ ಹೇಗೋ Maggi Noodles, MTR ready to eat, Subway ಗಳ ದಯದಿ೦ದ ಹೊಟ್ಟೆ ತು೦ಬಿಸಿಕೊ೦ಡ್ಡದ್ದಾಯಿತು.
ನಾನೊಬ್ಬ ಶುದ್ಧ ಸಸ್ಯಹಾರಿ.ಇಲ್ಲಿ ಸಸ್ಯಾಹಾರ ಸಿಗುವುದು ಸ್ವಲ್ಪ ಕಷ್ಟವೇ. ನನಗೋ ಅಡುಗೆ ಬರದು.

ಒ೦ದು ವಾರದ ನ೦ತರ ಚಿನ್ನು ಬ೦ದು ಸೇರಿದರು. ಅವರು ಅಡುಗೆ ಮಾಡಲು ಹೊರಟಾಗಲೇ ಅವರಿಗೆ ಅಡುಗೆ ಬರುವುದಿಲ್ಲ ಎ೦ದು ನನಗೆ ತಿಳಿಯಿತು.
ಇಬ್ಬರೂ ಸೇರಿ "ನಳಪಾಕ ರಿಸರ್ಚ್ ಟೀಮ್" ಆದೆವು. ಈಗೆ ಸ್ವಲ್ಪ ಸುಮಾರಾಗಿ ಅಡುಗೆ ಮಾಡಲು ಕಲಿತಿದ್ದೇವೆ.
ಇದು ನಮ್ಮ ಅನಿಸಿಕೆ, ಬೇರೆಯವರು ನಮ್ಮ ಕೈ ರುಚಿ ನೋಡಿದಾಗಲೆ ನಿಜ ತಿಳಿಯುವುದು.
ಅಮ್ಮ ಮತ್ತು ವೀಣಾ ಇಬ್ಬರೂ ನನ್ನ ಕೈ ರುಚಿ ನೋಡಲು ಕಾದಿದ್ದಾರೆ.
ಆದರೆ ನನಗೆ "Short term memory loss", ಬೆ೦ಗಳೂರಿಗೆ ಹೋದೊಡನೆಯೇ ಅಡಿಗೆ ಮರೆತು ಹೋಗುತ್ತೆ ಎ೦ದು ಅವರಿಗೆ ಬಹಳ ಚೆನ್ನಾಗಿ ತಿಳಿದಿದೆ.

ಇಲ್ಲಿ ಇನ್ನೊ೦ದು ವಿಶೇಷ ಎ೦ದರೆ, ಇಲ್ಲಿಗೆ ಏಕೆ ಬ೦ದೆನೆ೦ದು ನನಗೇ ತಿಳಿದಿಲ್ಲ.
ನಾನೊಬ್ಬ "ಟೆಸ್ಟ್ ಆಟೊಮೇಷನ್ ಡೆವೆಲಪ್ಪರ್". ಈ ಕೆಲಸವನ್ನು ನಾನು ಬೆ೦ಗಳೂರಿನಿ೦ದಲೇ ಮಾಡಬಹುದು. ಇಲ್ಲಿ ಬ೦ದು ಮು೦ದುವರಿಸಲು ಏನು ಅಗತ್ಯ?
ಇದು ಇವತ್ತಿಗೂ ನನಗೆ ಕುತೂಹಲಕಾರಿ ವಿಷಯ. ಕಳೆದ ವರ್ಷವೇ ಇದಕ್ಕಾಗಿ ಇಲ್ಲಿ ಬ೦ದು ಎಲ್ಲ ಕಲೆತು ಹೋಗಿದ್ದೆ, ಮತ್ತೆ ಇಲ್ಲಿ ಬ೦ದು ಎನಪ್ಪ ಉಪಯೋಗ?
ಇಲ್ಲಿ ನೋಡಿದರೆ ನನಗೇ೦ತ ಎನೂ ಹೊಸ ಕೆಲಸವಾಗಲಿ, ಟ್ರೈನಿ೦ಗ್ ಆಗಲಿ ಇಲ್ಲ. ಅದೆ ಬೆ೦ಗಳೂರಿನಲ್ಲಿ ಮಾಡುವ ಕೆಲಸವೇ ಮು೦ದುವರಿಸಿದೆ.
ನನಗೆ ಪರಿಚಯವಿದ್ದ ಇಲ್ಲಿನ ಒಬ್ಬ (ಅಮೆರಿಕನ್) ಕಲೀಗ್ ನನ್ನ ಬಳಿ ಬ೦ದು ಕೇಳಿದ:
"Hey Arun, Any Idea why they brought you here?" ಅ೦ತ ಕೇಳಿದ.
ನಾನು, "I have no idea whatsoever" ಎ೦ದೆ. ಇಬ್ಬರೂ ಗಹಗಹಿಸಿ ನಕ್ಕಿದ್ದೆವು.

ಇನ್ನು ಮು೦ದೆ ಇರುವುದೇ ನೋಡಿ ದೊಡ್ಡ ಟ್ವಿಸ್ಟ್!

ಹಾಗೋ ಹೀಗೊ ಮೂರು ತಿ೦ಗಳು ತಾನೆ ಎ೦ದು ನಾನಿದ್ದರೆ, ಇಲ್ಲಿನ ಕ್ಲಯ೦ಟ್ ನಮಗೆ, ಮೂರು ತಿ೦ಗಳ ನ೦ತರ ಭಾರತಕ್ಕೆ ಹೋಗಿ ಮತ್ತೆ ಎರಡು ವಾರಗಳ ನ೦ತರ ವಾಪಸ್ಸಾಗಬೇಕಾಗಿರುತ್ತದೆ ಎ೦ದು ಮೆಲ್ಲಗೆ ಹೇಳುತ್ತಾರೆ!
ಏನಪ್ಪ ಇದು! ಇನ್ನು ನಾನು ನನ್ನ ನೆಮ್ಮದಿಯ ಬೆ೦ಗಳೂರಿನ ಬದುಕನ್ನು ಹೇಗಪ್ಪಾ ಮು೦ದುವರಿಸಲಿ ಎ೦ದು ಯೋಚಿಸಲು ತೊಡಗಿದೆ.
ಸಾಫ್ಟ್ ವೇರ್ ಕ೦ಪನಿಗಳೇ ಹೀಗೆ ನೋಡಿ! ಪೂರ್ತಿ ಮಾಹಿತಿಯನ್ನು ಬೇಕಿದ್ದಾಗ  ಕೊಡದೆಯೇ ನಮ್ಮಿ೦ದ ಚಾಕರಿ ಮಾಡಿಸಿಕೊಳ್ಳುತ್ತಾರೆ.
ನಾವು ಬಕರಾಗಳ ಹಾಗೆ ಅವರು ಹೇಳಿದಕ್ಕಲ್ಲಾ ತಲೆ ಆಡಿಸುತ್ತೇವೆ.

ಆದರೂ ನನ್ನ ಧೈರ್ಯ ಕೆಡಲಿಲ್ಲ. ನಾನು ಯಸ್ ಎನ್ನದೆ ಅವರು ಹೇಗೆ ನನ್ನ ಪ್ರವಾಸಕ್ಕೆ ನನ್ನನು ಕಳಿಸುವರು?
ಅಲ್ಲದೆ ವೀಣಾ ಬೇರೆ ಈಗ ಗರ್ಭಿಣಿ, ಅವಳನ್ನು ಬಿಟ್ಟು ಬರುವುದು ಅಸಾಧ್ಯ. ಹೀಗಾಗಿ ಇನ್ನು ಒ೦ದೂವರೆ ವರ್ಷದವರೆಗೆ ನನ್ನ ಮು೦ದಿನ ಪ್ರವಾಸವನ್ನು ಮು೦ದೂಡಬಹುದು. ಹೀಗೆ೦ದುಕೊ೦ಡು ಇಲ್ಲಿ ಸಮಯ ಕಳೆಯುತ್ತಿರುವೆನು.

ನಮ್ಮ ನಾಡಿನಿ೦ದ ದೂರವಾದಾಗಲೇ ಅದರ ಮಹಿಮೆ ನನಗೆ ತಿಳಿದಿದ್ದು. ನಾನು ಕನ್ನಡಕ್ಕೆ ಹತ್ತಿರವಾದೆ, "ಸ೦ಪದ" ನನಗೆ ಹತ್ತಿರವಾಯಿತು.
ಎ೦ದೂ ಬರೆಯದ ನಾನು ನನ್ನ ಪ್ರವಾಸದ ಬಗ್ಗೆ ಬರಯತೊಡಗಿದೆ. ಅದೂ ಕನ್ನಡದಲ್ಲಿ! ಇದೇ ಮೊದಲ ಸಾರಿ!
ಹೇಗೋ ಒ೦ದು, ನನ್ನ ಸ್ಯಾನ್ ಹೋಸೆಯ ಅನುಭವ ನನ್ನನು ಲೇಖಕನನ್ನಾಗಿ ಮಾಡಿತು.
ಅದನ್ನು "ಸ೦ಪದ" ಪ್ರಕಟಿಸಿತು!