ಹನಿಗಳು ಸರ್ ಹನಿಗಳು !

ಹುಸಿ

ನಗುವಿನ

ಹಿಂದೆ

ಹಸಿ ಸುಳ್ಳೇ

ಇರುತ್ತದೆ ¡

***

ಎಲ್ಲಿ ಕುರುಡು 

ಕಾಂಚಾಣ ಕುಣಿಯುತ್ತಿರುತ್ತದೋ 

ಅಲ್ಲೆಲ್ಲ ನಮ್ಮಿಂದಲೇ 

ಈ ದೇಶ ಈ ನಾಡು ಉಳಿದಿರುವುದು 

ಎಂಬುವವರ ಕಾಲುಗಳೂ 

ನೃತ್ಯ ಮಾಡುತ್ತಿರುತ್ತವೆ ! 

*

ತನ್ನ ಹೊಳಪಿನಿಂದ ವಜ್ರ ಗಮನ ಸೆಳೆಯಿತು

ಗಮನಿಸದವಗೆ ಗಾಜು ಘಾಯಗೊಳಿಸಿತು

***

ನೀನೆಸೆದ ಇಟ್ಟಿಗೆಯಲಿ ಕಟ್ಟಿರುವೆ ನಾ ಮಹಲನ್ನು,

ನಿನ್ನ ಆತಿಥ್ಯಕ್ಕಾಗಿ ಸದಾ ತೆರೆದಿರುವೆ ಬಾಗಿಲನ್ನು

***

ನನ್ನ ಬರಹಗಳೇ 

ಶ್ರೇಷ್ಠ 

ಅನ್ನುವವರ ಹತ್ತಿರ 

ಉಳಿದ ಬರಹಗಾರರು 

ಮತ್ತು 

ಓದುಗರು ಯಾವತ್ತೂ 

ಜಾಗ್ರತೆಯಿಂದ

ಇರಬೇಕು !

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ