ಹನಿಗಳು ಸರ್ ಹನಿಗಳು !
ಮಣ್ಣು ತಿನಿಸುವ ಕೆಲಸ ಸಾಹಿತ್ಯದಲಿ ಕೂಡದು
ಇನ್ನೊಬ್ಬರ ಶ್ರಮವನು ತನ್ನದೆನ್ನುವುದು ಬೇಡದು
ಸಾಹಿತ್ಯ ಸೇವೆಯೊಳು ತುಂಬಾ ಸ್ವಾರ್ಥವದು ತುಂಬಿದೆ
ಹೀಗಾದರೆ ಚೆಲು ಬರಹ ಸಾಹಿತ್ಯದಲಿ ಮೂಡದು
***
ಸುಂದರ ನೋಟದ ವಸ್ತುವಿನಲ್ಲಿ
ವಿಷದ ಮುಳ್ಳನು ಗಮನಿಸಲ್ಲಿ
ಸವಿ ಇದೆಯೆಂದು ಹೋದೆಯೋ
ಹೊರಳುತ ಬದುಕುವೆ ಕೇಳಲ್ಲಿ
***
ಅರ್ಥವಿಲ್ಲದ ಬರಹ ಬರೆದು ಪ್ರಯೋಜನವೇನು
ಚಪ್ಪೆ ಸಾರಿನ ರೀತಿ ಎನುವುದು ಓದುಗನಿಗಾಗದೇನು
ತಿಳುವಳಿಕೆ ಇದ್ದರೂ ಇಲ್ಲದಂತೇ ಬರೆವುದು ತರವೇನು
ಗದರಿಸಿ ಹೇಳಲು ಅವರೇನು ನಮಗಿಂತ ಚಿಕ್ಕವರೇನು
***
ಬದುಕುವುದೂ
ಒಂದು
ಕಲೆ !
ಇಲ್ಲ ?
ಕೊಲೆ !!
***
ಸಂತೋಷ ರಸಮಯ ಸಮಯ
ಕಾಗೆಬಂದು ಅಪಸ್ವರ ಎತ್ತಿದರೆ
ಕನಸು ಕಾಣುತ್ತಿರುವ ಹುಡುಗನೆದುರು
ಕವಡೆ ಶಾಸ್ತ್ರವ ಹೇಳಿದರೆ
ಶಕುನ ಸರಿಯಾಗುವುದೆ ?
ಬದುಕು ಬದಲಾಗುವುದೆ ?
ಕೆಡುಕು ಒಡಕುಗಳ ಫಲವು ಸರಿಯಾಗುವುದೇ ?
ತಿಳಿಸೆನ್ನ ಸವಿಚೆನ್ನ ಛಲವಾದಿಯೆ !
***
ಬರಹದಲ್ಲಿ
ಕಸವಿರಲಿಯೆಂದೂ
ಗುಡಿಸಬೇಕು !
***
ಹೆಗ್ಗಣವದು
ಇರುವಲ್ಲಿ ಸಾಹಿತ್ಯ
ಕಲಬೆರಕೆ !
***
ಕೆಲವರಿಂದು
ತಿಳಿದಿದ್ದೆಲ್ಲಾ ವಾಂತಿ
ಮಾಡುತ್ತಿದ್ದಾರೆ !
***
ಯಾರು ಬಂದರೂ
ಬದುಕಲರಿಯು ನೀ
ಮುಂದೆ ಸಾಗುತ !
***
ದ್ವೇಷ ಅಸೂಯೆ
ಉಬ್ಬರದಲೆಗಳು ,
ದಾಟಲೇ ಬೇಕು !
***
ಕನಸುಗಳ
ಜೊತೆಗೆ ಸಾಗಿದರೂ
ನನಸ ಕಾಣು !
***
ಮಾತುಗಳಲ್ಲಿ
ಹಿಡಿತವಿರಲೆಂದೂ
ಹಗೆಯು ಬೇಡ !
***
ಹುಟ್ಟಿದ ಪ್ರತಿಯೊಬ್ಬ ಮನುಷ್ಯನವನು
ಜಗದಗಲವೂ ನಡೆಯುವನವನು
ಮತ್ತದೇ ಹೊಂದಾಣಿಕೆ ಜೊತೆಗೂಡಿ ಸಾಗೆ
ಜೀವನದಿ ಸುಖದೇ ಬಾಳುವನವನು
***
ಪ್ರಜಾ ಪ್ರಭುತ್ವದಲ್ಲಿ
ತಪ್ಪು ಮಾಡದವ
ಇಲಿಯಾದ
ತಪ್ಪು ಮಾಡಿದವ
ಇಲಿಯ ಬೇಟೆಯಾಡಿ
ಕೊಂದು ಬೆಕ್ಕಾದ
ಕೋಟೆ ಕೊತ್ತಳ ಕಟ್ಟಿ
ಮಹಾರಾಜರಂತೆ,
ರಾಜ್ಯ ದೇಶವಾಳಿದ !
ಇವುಗಳ ನಡುವೆ
ಜನನೀ ಜನ್ಮ ಭೂಮಿ
ಸ್ವರ್ಗಾಧಿಪತಿ ಗರೀಯಸಿ
ಎನುತ್ತಾ ಹೇಳುತ್ತಾ ,
ಭೂಮಿತಾಯಿಯ ಕೊನೆಗೆ
ಮೂಲೆ ಕಂಬವ ಹಿಡಿದು
ಕೂರುವಂತೆ ಮಾಡಿದ !!
ಜೈ ಹೊ ಭಾರತ್
ಜೈ ಜೈ ಜೈ ಜೈ ಹೊ
ಭಾರತ್ ಮಾತಾಕೀ ಜೈ ಹೋ !
-ಹಾ ಮ ಸತೀಶ ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
