ಹನಿಗಳ ಲೋಕದಲ್ಲಿ...

ಪ್ರಾಯ

ರಾಜಕಾರಣಿಗಳ ಪ್ರಾಯ

ನಿಗದಿ ಮಾಡಿರಿ ಜನರೆ

ಅರುವತ್ತಾದರೆ ಸಾಕು ಮನೆಗೆ ಕಳುಹಿಸಿ

ಇಲ್ಲವಾದರೆ ನೋಡಿ

ಅರಳು ಮರುಳಿನ ಸಮಯ

ನಿಮ್ಮ ನೆನಪೂ ಇರದೆ ಅವರ ಜಲಸಿ

***

ಶುದ್ಧರು

ನಾವೆಲ್ಲರು ಶುದ್ಧರು

ಎಂದವರ ಒಳ ಹೊರಗು

ಗಬ್ಬೆದ್ದು ನಾರುತಿದೆ ಇಂದು ನೋಡು

ಇವರ ಆಡಳಿತಕ್ಕೆ

ಪ್ರಜಾಪ್ರಭುತ್ವವೇ ಬೇಕೆ

ಅಧ್ಯಕ್ಷೀಯ ಅಧಿಕಾರ ಬರಲಿ ಸಾಕು

***

ನಮಿಸುತ್ತಿದ್ದರು 

ರಾಜಕಾರಣಿಗಳೇ

ನೀವೆಂದರೆ ಹಿಂದೆ

ಕಾಲಿಗಡ್ಡ ಬಿದ್ದು ನಮಿಸುತ್ತಿದ್ದರು ಜನರು

ಆದರೆ ಈಗೀಗ

ನಿಮ್ಮ ನೋಡಿದರೆ ಸಾಕು

ಕೊಳೆತ ಮೊಟ್ಟೆಯ ಹಿಡಿದು ಎಚ್ಚರದಲ್ಲಿಹರು

***

ಮುಕ್ತಕ

ಜನರಿಂದ ಬೆಂಬಲವ ಗಳಿಸುತಲೆ ಪದವಿಯನು

ನನಗಿಂದು ಕೊಡಿರೆಂದು ಕೇಳದಿರು ನೀನು|

ಅನವರತ ಸೇವೆಯನು ಮೊದಲಾಗಿ ಮಾಡುತಿರು

ಘನಮಹಿಮ ನೀನಪ್ಪೆ --- ಛಲವಾದಿಯೆ||

-ಹಾ ಮ ಸತೀಶ, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ