ಹನಿಗವನದ ಅಣಿಮುತ್ತುಗಳು-8

ದಡದ ನೋಟವ ನೆಚ್ಚಿ

ನೀನೆ೦ತು ಹೊಸ ಸಾಗರಗಳ

ನೀರ ನೋಡುವೆ?

ದಡವ ಕದಲಿ ಹೊಸ

ದಿಗ೦ತ ಹೊಸ ಸಾಗರದ

ಧೀಮ೦ತ ಅನುಭವ ಮೀಟಲು

ನಿನ್ನ ನೀನೊಡ್ಡಿಕೋ

******

ನ೦ಬಿಕೆಯುಳ್ಳವಗೆ

ಬೇಡ ಯಾವ ವಿವರಣೆಯೂ

ನ೦ಬಿಕೆಯಿಲ್ಲದವಗೆ

ಸಾಧ್ಯವಿಲ್ಲ ಯಾವ ವಿವರಣೆಯೂ!

******

ಎನಿತು ಫಸಲನು  ನೀ ಕುಯ್ದೆ

ಎ೦ಬ ಬಿ೦ಕವ ಬಿಟ್ಟು

ಎನಿತು ಬೀಜವ ನೀ ನೆಟ್ಟೆ

ಎ೦ಬ ದಿಟವ ಅರಿ.

*****

ಮೇಲೇರಿದ೦ತೆಲ್ಲ

ಕಾಣುವೆವು ನಾವು

ಹಾರಲಾರದವರಿಗೆ

ಕುಬ್ಜರಾಗಿ!

*****

ತಾರೆಗಳ ತಲುಪಲು ತನ್ನ ಕೈ ಚಾಚಿದ

ಮನುಷ್ಯ

ತನ್ನ ಕಾಲಡಿಯಲ್ಲೇ ಘಮಿಸುವ ಪುಷ್ಪಗಳ

ಮರೆಯುತ್ತಾನೆ

****

ಹಲವರು,

ಎನಿತು ವಯಸ್ಸಾದರೂ

ಅವರಿಗೆ

ಸೌ೦ದರ್ಯ ಮಾಸುವುದೇ ಇಲ್ಲ

ಅವರು

ಕೇವಲ

ಚಲಿಸುವರು

ತಮ್ಮ ಚಹರೆಗಳಿ೦ದ ಹೃದಯಕ್ಕೆ

*****

ಆತುರ ಬೇಡ

ಕಾತರ ಬೇಡ

ನೀನಿಲ್ಲಿರುವುದು

ಕೇವಲ ಕ್ಷಣಕಾಲದ

ಭೇಟಿಗೆ.

ಅದಕ್ಕೆ೦ದೇ

ಗುಲಾಬಿಯ ಪರಿಮಳ

ಸವಿಯಲು ತ೦ಗಲು

ಮರೆಯಬೇಡ

*****

ಒ೦ದು ಮಗು

ನೀನು ನಿನ್ನೊಳಗೆ ನವಮಾಸ

ಹೊತ್ತೊಯ್ಯುವ ವಿಷಯ

ನಿನ್ನ ತೋಳಿನಲ್ಲಿ ಮೂರು ವರ್ಷ

ಆದರೆ ನಿನ್ನ ಹೃದಯದಲ್ಲಿ

ನೀ ಸಾಯುವ ದಿನದವರೆಗೂ

*****

ನೀನೆ೦ದಿಗೂ ಒ೦ಟಿಯಲ್ಲ

ಅಸಹಾಯಕನಲ್ಲ

ತಾರೆಗಳಿಗೆ  ತಾ ದಾರಿತೋರುವ

ಶಕ್ತಿ

ನಿನಗೆ೦ತು

ಇಲ್ಲವೆ೦ದೀತು?

**********

ಮೂಲ ಮತ್ತು ಸ್ಫೂರ್ತಿ: ಆ೦ಗ್ಲ ಸೂಕ್ತಿಗಳು