*ಹೃದಯಗೀತೆ*

ನೀಲಿ ಗಗನದಿ ನಿತ್ಯ ಚಲಿಸುವ

ಚಿತ್ತ ಚೋರಿಯೆ ಚಂದ್ರಿಕೆ

ಖಾಲಿ ಹೃದಯದಿ ಅಚ್ಚು ಹೊತ್ತಿಹೆ

ಚೆಂದದಿಂದಲಿ ಮುದ್ರಿಕೆ||

ಬೆಳ್ಳಿ ಮೋಡದ ರಥವ ಏರುತ

ಬಳಿಗೆ ಬಂದಳು ನೈದಿಲೆ

ಕಳ್ಳ ನೋಟದಿ ಮನವ ಕದ್ದಳು

ಇಡುತ ಕಚಗುಳಿ ಕೋಮಲೆ||

ಸುತ್ತ ಚೆಲುವಿನ ಹಚ್ಚ ಐಸಿರ

ನಿನ್ನ ಅಂದಕೆ ನಾಚಲು

ಮುತ್ತು ಮಳೆಯನು ಹೊತ್ತು ತಂದಿಹೆ

ತನುವ ಚೆಂದವ ದೋಚಲು||

ಲಜ್ಜೆಯಿಂದಲಿ ಮೊಗವು ಅರಳಿತು

ಲತೆಯ ತೆರದಲಿ ನುಲಿದಳು ಗೆಜ್ಜೆನಾದವು ಮೋದ ನೀಡಿತು

ಎದೆಯ ಗೂಡನು ಬೆಳಗಲು||

ಜೋಡಿವಿಹಗವು ಕೊಳದಿ ಈಜುತ

ಹಂಸರಾಗವ ಮಾಡಿತು

ಜೋಡಿ ಹೃದಯವು ಮೋಡಿ ಮಾಡುತ

ಹೃದಯ ಗೀತೆಯ ಹಾಡಿತು||

-*ಶ್ರೀ ಈರಪ್ಪ ಬಿಜಲಿ*