ಹೊಸಾಆಆಆಆಆಆಆ ಚರ್ಚೆ ಮಾಡ್ತೀರಾ? ತಾಕತ್ತಿದ್ರೆ!!! ಹೂಹ್ಹಾಹ್ಹಾಹ್ಹಾಆಆಆಆಆಆ!

ನಾನು ಸಣ್ಣೋನಿರೋವಾಗ ದೆವ್ವಗಳನ್ನ ನೋಡಿದ್ದು ನೆನಪಿದೆ! ನಿಜವಾಗ್ಲೂ. ದೆವ್ವಗಳಿರಬಹುದೆನ್ನುವ ನಂಬಿಕೆಯನ್ನು ಬಲಗೊಳಿಸುವ ಹಲವಾರು ಘಟನೆಗಳಿಗೂ ನಾನು ಸಾಕ್ಷೀ"ಭೂತ"ನಾಗಿದ್ದೇನೆ. ನಿಮ್ಮ ಜೀವನದಲ್ಲೇನಾದ್ರೂ ಈ ತರಹದ ಘಟನೆಗಳು ನಡೆದಿದ್ರೆ ಹೇಳಿ ನೋಡೋಣ! ಆಮೇಲೆ ನಾನೂ ನನ್ನ ಅನುಭವಗಳೊಂದೆರಡನ್ನು ಇಲ್ಲಿ ವಿವರಿಸುವೆ. ದೆವ್ವಗಳಿಲ್ಲವೆನ್ನುವವರೂ "ಅರೆರೆ! ಹೌದಲ್ವಾ!" ಎಂದು ತಮ್ಮ ನಂಬಿಕೆಯ ಮೇಲೆಯೇ ಅಪನಂಬಿಕೆಯನ್ನು ಮೂಡಿಸಿಕೊಳ್ಳದೇ ಇರಲಾರರು. ಹ್ಞೂಂ! ನಿಜವಾಗ್ಲೂ. ಟೈಮು ಸಿಕ್ಕಾಗ ಬರೀತೇನೆ. ಅಂದ ಹಾಗೆ! ಈ ಚರ್ಚೆಯ ದಾರವನ್ನು ಯಾವ ವಿಭಾಗದಲ್ಲಿ ಪೋಣಿಸಲಿ ಎಂಬುದೇ ಗೊತ್ತಾಗಲಿಲ್ಲ. ಕೆಲವೊಮ್ಮೆ ದೆವ್ವದ ಕಥೆಗಳು ಹೈತುಕರಿಗೆ ಹಾಸ್ಯವೆಂದು ಕಾಣಿಸಬಹುದಾದ ಅಂಶವಿರುವುದರಿಂದ ಆ ವರ್ಗಕ್ಕೇ ಸೇರಿಸಿಬಿಟ್ಟರೆ ಹೇಗೆ? ಅನ್ನಿಸಿತು. ಆದರೆ ಎಷ್ಟೇ ಪರಿಣಾಮಕಾರಿಯಾಗಿ ಬರೆದರೂ ಹಾಸ್ಯವೆನ್ನು ಶಿರೋನಾಮೆಯಡಿಯಲ್ಲಿಯೇ ಸೇರಿಸಿರುತ್ತೇನಾದ್ದರಿಂದ ಯಾರೂ ಹೆದರದಿರುವ "ಹೆದರಿಕೆ" ಇರುವುದರಿಂದ ಸುದ್ದಿ ಸಮಾಚಾರವೆನ್ನುವ ವರ್ಗಕ್ಕೆ ಸೇರಿಸಿದ್ದೇನೆ. ಲೇಖನದಲ್ಲಿ(?) ಅದೇನು ಸುದ್ದಿಯಿರಬಹುದೋ ಏನು ಸಮಾಚಾರವೋ? ಆ ಭೂತಗಳಿಗೇ ಗೊತ್ತಾಗಬೇಕು. ನಾಡಿಗರು ದೆವ್ವದ ಕಥೆಗಳಿಗೆ ಅಥವಾ ಭಯಾನಕ ಚರಿತೆಗಳಿಗೊಂದು ಸೆಕ್ಷನ್ನು ಮಾಡಿದರೆ ಅಲ್ಲಿ ಸೇರಿಸಬಹುದೇನೋ. ರಘುನಂದನ ಶ್ರೀ.ಶ.