ಹೌದೇ ? ಮನುಜನೂ ಕಪಿಯಂತೆ !

ಕಪಿ , ಮರದಿಂದ ಮರಕ್ಕೆ ಹಾರುವುದು

ಮನುಜ, ಒಂದು ರೀತಿಯಲ್ಲಿ

ಮನದಿಂದ ಮನಕ್ಕೆ ಲಾಗ ಹಾಕುತ್ತಾ ಹಾರುವನು

ಹೌದೇ ? ಮನುಜನೂ ಕಪಿಯಂತೆ !

ಕಪಿ, ಚೇಷ್ಟೆ ಮಾಡುವುದು

ಮನುಜ , ತನ್ನ ಇರುವಿಕೆಯನ್ನು ತೋರ್ಪಡಿಸಲು

ಬಹು ಚೇಷ್ಟೆಗಳ ಮಾಡುವನು

ಹೌದೇ ? ಮನುಜನೂ ಕಪಿಯಂತೆ !

ಕಪಿ , ತನ್ನ ಮೈಯನ್ನು ತಾನೇ ಪರಚಿಕೊಳ್ಳುವುದು

ಮನುಜ , ತನ್ನದಲ್ಲದ ವಿಷಯಗಳಿಗೆ

ವಿಚಾರಗಳಿಗೆ ,ಮೈ ಮನಸುಗಳ ಪರಚಿಕೊಳ್ಳುವನು

ಹೌದೇ ? ಮನುಜನೂ ಕಪಿಯಂತೆ !

ಕಪಿ, ಬೇಗ ದುರ್ಬುದ್ಧಿಗಳ ಕಲಿಯುವುದು

ಮನುಜ , ಬಹಳ ಬುದ್ಧಿವಂತ

ಬೇಗನೆ ದುರ್ಬುದ್ಧಿಗಳ ದಾಸನಾಗುವನು

ಹೀಗೇ ಇದು, ಮುಗಿಯದ ಕಥೆ !

ಹೌದೇ ? ಮನುಜನೂ ಕಪಿಯಂತೆ !

-ಹಾ. ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ