ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ನಗುವ ಮುಖವು ನಿಮ್ಮದಿರಲಿ
ನಿಮ್ಮ ದು:ಖದ ಗೆಳತಿ ನಾನಿರಲಿ 
ನನಗೆ ತಿಳಿದಿದೆ ನಿಮ್ಮ ಮನಸ್ಸು 
ಹೀಗಾಗಿ ಹೇಳುವೆ ನನ್ನ ಕನಸು 

ಮೌನವು ನಿಮ್ಮ ಪ್ರೀತಿಯಲ್ಲಿರಲಿ 
ಆದರೆ ಆ ಮೌನ ನಿಮ್ಮ 
ಮನಸ್ಸು ನೋವಿಸದಿರಲಿ

ಕೋಪವು ನಿಮ್ಮ ಪ್ರೀತಿಯಲ್ಲಿರಲಿ 
ಆದರೆ ಆ ಕೋಪ ನಿಮ್ಮ 
ಪ್ರೀತಿಯನ್ನು ಕಡಿಮೆ ಮಾಡದಿರಲಿ

ಹುಡುಗಾಟವು ನಿಮ್ಮ ಪ್ರೀತಿಯಲ್ಲಿರಲಿ 
ಆದರೆ ಆ ಹುಡುಗಾಟ ನಿಮ್ಮ 
ಜೀವನದ ಜೊತೆ ಆಟವಾಡದಿರಲಿ

ದು:ಖವು ನಿಮ್ಮ ಪ್ರೀತಿಯಲ್ಲಿರಲಿ 
ಆದರೆ ಆ ದು:ಖ ನಿಮ್ಮ 
ಜೀವನದಲ್ಲಿ ನಿರಾಸೆಯನ್ನು ತರದಿರಲಿ 

 ಜೀವನ ಎಂಬ ವಿಷಯದಲ್ಲಿ

 ಕಲ್ಪನೆಯೊಂದು ಸಾಕು

 ಈ ಕನಸಿನೆಂಬ ಕಲ್ಪನೆಯಲ್ಲಿ

 ಮನಸ್ಸೊಂದು ಬೇಕು

 ಮನವೆಂಬ ಮೃದುವಾದ ದುಂಬಿಯಲ್ಲಿ

 ಸಿಹಿತನದ ಗುಣ ಇರಬೇಕು

 ಸಿಹಿಯಾದ ಪ್ರೀತಿಯನ್ನು

 ದುಂಬಿಯಾದ ಮನವು ಹೀರಿಕೊಳ್ಳಬೇಕು

 ದ್ವೇಷವೆಂಬ ಕಹಿತನದಲ್ಲಿ

 ಪ್ರೀತಿಯನ್ನು ತುಂಬಬೇಕು

 ಹೀಗೆ ಜೀವನವು ಪ್ರೀತಿ ಮತ್ತು

 ಸಿಹಿತನದಿಂದ ಸಂಪತ್ಭರಿತವಾಗಿರಬೇಕು..

ನಗುವ ಮುಖದಲ್ಲಿ

ಮಾತಲ್ಲಿ ಮೌನ ತುಂಬಿದೆ

ಮನಸ್ಸು ಒಡೆದರು ನೋವು ಕಾಡಿದೆ

ಭಸ್ಮದ ಚಿತೆಯಲಿ ಚಿಂತೆ ಕಾದಿದೆ

ಜೀವ ಅಳಿದರು ಜೀವನ ನಿಂತಿದೆ

ಏಕಾಂಗಿ ಹೃದಯಕೆ ನೆನಪು ಬಂದಿದೆ

ದುಃಖ ಸೊರಗಿ ಕಣ್ಣೀರು ಬತ್ತಿದೆ

ಲೋಕ ಮಾಯಾಲೋಕವೆನಿಸಿದೆ

ಸತ್ಯ-ಸುಳ್ಳು ಕವಲು ದಾರಿಯಾಗಿದೆ

ಪ್ರೀತಿ ಸರಸದ ದ್ವೇಷವಾಗಿದೆ

ಸ್ವಾರ್ಥವೇ ಗುಣದಲ್ಲಿ ನೆಲೆಸಿದೆ

ಸುಖಮಯ ಬದುಕು ಬಲು ಭಾರವಾಗಿದೆ

ಮನದಾಳದಿಂದ ಮಹದಾಸೆಯೊಂದು

ಬೆನ್ನತ್ತಿ ಬಂದಿತು

ಕಗ್ಗತ್ತಲಲ್ಲಿ ಕಿರು ಬೆಳಕನ್ನು

ಹೆಕ್ಕಿ ಹುಡುಕಿತು

ಚಂದ್ರನ ಬೆಳಕಲ್ಲಿ ಮಂದದ

ಇರುಳಲಿ ಪ್ರೀತಿಯ ಕಾದಿತ್ತು

ಮಂದ ವಾಸನೆ ಮೆತ್ತು ಹಾಸಿಗೆ

ಇನಿಯನ ಕರೆದಿತು

ಸುಂದರ ಮೊಗವ ಸವಿಜೇನು ಹನಿಯ

ತಂಪು ತುಟಿಗಳು ಚುಂಬಿಸಿತು

ಕೆಂಪು ಕೆನ್ನೆಗೆ ಹೊಳೆವ ಕಣ್ಣಿಗೆ

ಮುತ್ತಿನ ಮಾಲೆ ಪೋಣಿಸಿತು

ಕಾಲ್ಗೆಜ್ಜೆ ನಾದವ ಕಾಲುಂಗುರ ಬೆರಳ

ಒಬ್ಬಟ್ಟಿನ ಹಾಗೆ ಸುತ್ತಾಡಿತು

ಕಾಣುವ ಸೊಂಟವ ಮೆಲ್ಲಗೆ ಕಚ್ಚಿ

ಮುತ್ತಿಟ್ಟು ಮಲ್ಲಿಗೆ ಮಳೆಯಾಯಿತು

ಉಸಿರು ಹಸಿರಾಗಿ ಮೌನ ಮಾತಾಗಿ

ತುಟಿಯ ಅಂಚು ಪ್ರೀತಿಯ

ಓಲೆ ಬರೆದಿತು