ಕಾವ್ಯಾನುರಕ್ತ

ಕಾವ್ಯಾನುರಕ್ತ 
 
ಜೀವನದ ಸಣ್ಣ ಎಳೆಗಳರಸಿ ಕವನ ರಚಿಸುವಾಸೆ
ನಗಣ್ಯ ಪ್ರಸಂಗದೊಳು ಕಾವ್ಯವನು ಅರಸುವಾಸೆ 
ಜನರ ಮೊಗದ ಅಭಿವ್ಯಕ್ತಿಯ ಕಾವ್ಯದೊಳು ಮೀಯುವಾಸೆ
ತಂಗಾಳಿಯ ತಂಪೊಳಗಿನ ಕಾವ್ಯವ ಅನುಭವಿಸುವಾಸೆ
ಎಲೆ ಉದುರಿ ಬೋಡಾದ ಮರದೊಳು ಕಾವ್ಯ ಹುಡುಕುವಾಸೆ
ಹಣ್ಣಾದ ಮುಪ್ಪಿನ ಸುಕ್ಕಲೂ ಕಾವ್ಯವ ಕಾಣುವಾಸೆ
ಸಣ್ಣ ಹನಿಗಳ ಮಳೆಯ ಕಾವ್ಯದಲಿ ನೆನೆಯುವಾಸೆ
ಕೆರೆಯ ದಡದ ನೀರ ತೆರೆಯಲಿ ಕಾವ್ಯ ಕೇಳುವಾಸೆ
ಎಳೆಯ ಮೊಗದ ತುಟಿಯಲಿ ಕವನ ಅನುಭವಸಿವಾಸೆ
ಮೊದಲ ಮಳೆಯ ಘಮಿಸುವ ಮಣ್ಣಲೂ ಕವನ ರಚಿಸುವಾಸೆ  
 
- ತೇಜಸ್ವಿ.ಎ.ಸಿ