ಕೋರಿಕೆ

ಕೋರಿಕೆ

By hamsanandi on Thu, 01/17/2013 - 05:38

 

 

 

ಚೆನ್ನವಿದು ಮುಖಕಮಲ ಸೋಗಿರದ ಮುಗುದನಿವ

ತನ್ನ ಪೊಂಗೊಳಲುಲಿಯ ತಾನೆ ಸವಿದಿಹನು!

ಇನ್ನಿವನ ಕೆಂದಾವರೆಯ ಪಾದ ನಲಿಯುತಿರ-

ಲೆನ್ನೆದೆಯದವನಲ್ಲೆ ತಲ್ಲೀನವಾಗಿಹುದು!

 

ಸಂಸ್ಕೃತ ಮೂಲ: ಲೀಲಾಶುಕನ (ಬಿಲ್ವಮಂಗಳ) ಕೃಷ್ಣಕರ್ಣಾಮೃತ (೧-೧೫)

 

ಅವ್ಯಾಜಮಂಜುಲಮುಖಾಂಬುಜ ಮುಗ್ಧಭಾವೈಃ
ಆಸ್ವಾದ್ಯಮಾನ ನಿಜವೇಣುವಿನೋದನಾದಮ್
ಆಕ್ರೀಡತಾಮರುಣಪಾದಸರೋರುಹಾಭ್ಯಾಮ್
ಆರ್ದ್ರೇ ಮದೀಯಹೃದಯೇ ಭುವನಾರ್ದ್ರಮೋಜಃ

 

 

 

Rating
No votes yet

Comments

Submitted by venkatb83 Wed, 01/23/2013 - 15:27

ಚಿತ್ರವೂ ಸಖತ್
ಜೊತೆಗೆ ಆ ಬಗೆಗಿನ ಬರಹವೂ...

ತನ್ನ ಪೊಂಗೊಳಲುಲಿಯ ತಾನೆ ಸವಿದಿಹನು! >>.
ಇಲ್ಲಿ ಪೊಂಗೊಳಲುಲಿಯ ಅಂದ್ರೇನು ಅಂತ ಗೊತ್ತಾಗಲಿಲ್ಲ...

ಶುಭವಾಗಲಿ..

\|

Submitted by swara kamath Wed, 01/23/2013 - 16:20

ಸಪ್ತಗಿರಿ ಯವರೆ ಸಂಸ್ಕೃತ ಮೂಲಪದ್ಯದಲ್ಲೇ ತಮ್ಮ ಪ್ರಶ್ನೆಗೆ ಉತ್ತರ ಸಿಗುತ್ತದೆ. ತಾವು ಗಮನಿಸಲಿಲ್ಲವೆಂದು ಕಾಣುತ್ತದೆ.ಪೊಂಗೊಳಲುಲಿಯ ಅಂದರೆ ಕೋಳಲಿನಿಂದ ಹೊಮ್ಮಿದ ಗಾನ ಎಂದು ಅರ್ಥಮಾಡಿಕೊಳ್ಳಬಹುದು.ವಂದನೆಗಳು
ಸುಂದರ ಚಿತ್ರ ನೀಡಿದ ಹಂಸಾನಂದಿ ಅವರಿಗೂ ನನ್ನ ವಂದನೆಗಳು.

Submitted by hamsanandi Wed, 01/23/2013 - 22:01

ಹೌದು. "ನಿಜವೇಣು" - ಸಂಸ್ಕೃತದಲ್ಲಿ ನಿಜ ಅನ್ನುವುದಕ್ಕೆ ತನ್ನ, ಸ್ವಂತದ ಎಂಬ ಅರ್ಥ. ಕೃಷ್ಣ ತನ್ನ ಕೊಳಲಿನ ನಾದವನ್ನು ತಾನೇ ಸವಿಯುತ್ತಿದ್ದಾನೆಂಬುದು ಭಾವ.

Submitted by ಗಣೇಶ Wed, 01/23/2013 - 23:36

ಪಾಪ...ಸಪ್ತಗಿರಿಗೆ ಕನ್ನಡನೇ ಅರ್ಥವಾಗಿಲ್ಲ...ಇನ್ನು ಸಂಸ್ಕೃತ ಮೂಲ ಪದ್ಯ!! :) ಸುಮ್ಮನೆ ಬರೆದದ್ದು ಬೇಸರಿಸಬೇಡಿ :). ---ಇಲ್ಲಿ ಕೊಳಲಿನಿಂದ ಹೊಮ್ಮಿದ ಗಾನ ಅಂದರೆ-ಕೊಳಲುಲಿಯ ಬಗ್ಗೆ ಸಪ್ತಗಿರಿಗೆ ಅರ್ಥ ಗೊತ್ತಿರಲೇಬೇಕು. ಆತ ರಾಜ್ ಅಭಿಮಾನಿ, ಸಿನೆಮಾ ಆತನ ಆಸಕ್ತಿ-"ಕೋಗಿಲೆ ಕೊರಳಿಂದ ಕೊಳಲುಲಿ ಗಾನ...." ಎಷ್ಟು ಸಲ ಹಾಡಿದ್ದಾನೋ ಏನೋ :) ಅವನಿಗೆ ಅರ್ಥವಾಗದ್ದು "ಪೊಂ"ಕೊಳಲ ಮುಂದೆ ಯಾಕೆ ಬಂತು ಎಂದಿರಬಹುದು. ಅದಕ್ಕೆ ನಾನು ಅರ್ಥ ಹೇಳುವ ಬದಲು ಸಂಪದದ ಈ ಲೇಖನ ಓದಲಿ- http://sampada.net/forum/10132 -ಹಂಸಾನಂದಿಯವರೆ ಕವಿತೆ ಚೆನ್ನಾಗಿದೆ.