ಗಂಧದಗುಡಿ

ಪ್ರತಿ ಬಾರಿ ಭಾರತಕ್ಕೆ ಬಂದಾಗಲೂ ಒಂದಷ್ಟು ಸಿನಿಮಾ ವಿಸಿಡಿ / ಡಿವೀಡಿ ಕೊಂಡೊಯ್ಯುವ ಅಭ್ಯಾಸ - ಅದರಲ್ಲೂ ಹಳೆ ಕನ್ನಡ ಚಿತ್ರಗಳದು. ಅದರಲ್ಲಿ ಗಂಧದ ಗುಡಿಯೂ ಒಂದು. ಈಗಿನ ಬೆಳವಣಿಗೆ ನೋಡಿದರೆ ಮುಂದೆ ಎಲ್ಲವೂ ಆನ್ಲೈನ್ ನಲ್ಲೆ ಲಭ್ಯವಾಗಿ, ನಮ್ಮ ಸೀಡಿ ಕಲೆಕ್ಷನ್ ಕೂಡ ಅನವಶ್ಯಕ ಜಾಗ ಆಕ್ರಮಿಸಿಕೊಂಡ ಹಾಗೆ ಅನಿಸಿಬಿಡುತ್ತದೆಯೊ ಏನೊ!
ಅಂದ ಹಾಗೆ ಆ ದಿನಗಳಲ್ಲಿ ಸಂಪತ್ತಿಗೆ ಸವಾಲ್ ನ ಆಡಿಯೊ ಕ್ಯಾಸೆಟ್ / ಪ್ಲೇಟು ಅದೆಷ್ಟು ಜನಪ್ರಿಯವೆಂದು ವರ್ಣಿಸಲಸದಳ. ಗಲ್ಲಿ ಗಲ್ಲಿಗಳಲ್ಲಿ , ಗಣೇಶನ ಕೂರಿಸಿದ ಕಡೆ, ಕೃಷ್ಣ ಜಯಂತಿ - ಎಲ್ಲೆಡೆಯೂ ತಪ್ಪದೆ ಹಾಕುತ್ತಿದ್ದ ಸಿನಿಮಾ ಅದು. ನಮಗೆಲ್ಲ ಅದನ್ನು ಕೇಳಿಯೆ ಡೈಲಾಗುಗಳೆಲ್ಲ ಬಾಯಿಪಾಠವಾಗಿ ಹೋಗಿತ್ತು ("ಸಾಹುಕಾರ್ ಸಿದ್ದಾ..." ಎಂಬ ಡೈಲಾಗ್ ಈಗಲೂ ಕಿವಿಯಲ್ಲಿ ಗುಂಯ್ ಗುಡುತ್ತಿದೆ...)