ಪರಮಾತ್ಮನನುಭವ (ಶ್ರೀ ನರಸಿಂಹ 53)

ಬಿಳಿಯ ಪರದೆಯ ಮೇಲೆ ಚಿಕ್ಕ ಗುರುತನು ಮಾಡೆ

ಕಾಣಿಸುವುದದು ಕಣ್ಣಿಗೆ ಬಳಿ ನಿಂತು ನೀನದ ನೋಡೆ

ತುಸು ದೂರ ನಿಂತು ನೀ ನೋಡ ಬಯಸಿದರೆ ಅದನು

ನೀನಿಟ್ಟಿಹ  ಗುರುತದು ನಿನ್ನಕ್ಷಿಗಳಿಗೆ ಕಾಣುವುದೇನು

ದೂರದಲಿ  ನಿಂತು ನೀ ಗುರುತನು  ನೋಡುವ ತೆರದಿ

ಪರಮಾತ್ಮನ  ಹುಡುಕದಿರು ನೀ ಇಹನೆಂದು ದೂರದಿ

ಹೊರಗಲೆಯುತಿಹ ಮನವ ನೀ ಒಳ ತಂದು ನಿಲಿಸು

ಪರಮಾತ್ಮ ದರುಶನದನುಭವ  ಪಡೆವುದು ಮನಸು

ಬೆರಸಿದರೆ ಮನಸ ಉಸಿರಿನೊಳಗೆ,ನಿಲುವುದು ಮನ ಒಳಗೆ

ಸಾದಿಸಲಿದನು ಸುಲಭವು ಶ್ರೀ ನರಸಿಂಹನ  ದರ್ಶನ  ನಿನಗೆ