ಮಾತುಪಲ್ಲಟ - ೧೧ ಮತ್ತೊನ್ದಿಷ್ಟು ಕೊರೆತ

♫♫♫ಮಾತುಪಲ್ಲಟ - ೧೧♫♫♫

ಇದು ಮಾತುಪಲ್ಲಟ ಸರಣಿಯ ಹನ್ನೊನ್ದನೆಯ ಹಾಡು. ಈ ಸಲ ಮಾತುಪಲ್ಲಟದ ಹಾಡುಗಳ ಸವಿಯುವವರು ಕೊರೆತವನ್ನೂ ಸಹಿಸಿಕೊಳ್ಳಬೇಕಾಗುತ್ತದೆ. (ಹೆಚ್ಚೇನೂ ಇಲ್ಲ)

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠

ಚಿತ್ರ              : ಓರ್ಕ್ಕುಗ ವಲ್ಲಪ್ಪೋೞುಂ♪
ಸಂಗೀತ          : ಎಂ. ಜಯಚಂದ್ರನ್♪
ಮೂಲ ಸಾಹಿತ್ಯ   : ಗಿರೀಶ್ ಪುತ್ತಂಚೇರಿ♪
ಹಾಡುಗಾರರು    : ಆನನ್ದ್♪, ರಾಜಲಕ್ಷ್ಮಿ♪
ವಿಡಿಯೋ        : http://www.youtube.com/watch?v=f9bMgBWVpmk

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
♪ಮೂಲ ಸಾಹಿತ್ಯ♪:

ಮಾತುಪಲ್ಲಟದಲ್ಲಿ ಅರ್ಥ ಬೇಱೆಯಾಗಿರುವುದರಿನ್ದ ಇಲ್ಲಿ ಮೂಲ ಸಾಹಿತ್ಯ ಪ್ರಸ್ತುತವಲ್ಲ. ಮಲೆಯಾಳ ಭಾಷೆ ತಿಳಿದವರಿಗೆ ತುಂಬ ಪ್ರೀತಿಯ ಹಾಡು 'ನಲ್ಲ ಮಾಂಪೂ'. ಎಳೆಗರುಗಳ(ಸಣ್ಣ ಮಕ್ಕಳ) ಪ್ರೇಮದ ಹಾಡಾಗಿರುವುದರಿನ್ದ ಪ್ರೇಮದ ಕುಱಿತ ಪ್ರಬುದ್ಧ ವಿಚಾರಗಳೇನೂ ಈ ಮಾತುಪಲ್ಲಟದಲ್ಲಿ ಕಾಣಸಿಕ್ಕವು.

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
♪ಮಾತುಪಲ್ಲಟ♪ :

♂ಚಿನ್ನದ ಚೂಱಿಲಿ ಕಟ್ಟಲು ಬೇಕೇ, ಮನೆಯೊನ್ದಿದ್ದರಾಗದೇ | ಹೇೞೀಗ - ಸೂಱೊನ್ದಿದ್ದರಾಗದೇ |
♀ಚಿನ್ನದಂಥ ಮನಸ್ಸಿನ್ದ ಕಟ್ಟಲೇ ಬೇಕು, ಮನೆಯೊನ್ದಿದ್ದರಾಗದು | ಮೇಗೆ ಸೂಱೊನ್ದಿದ್ದರಾಗದು |
♂ಚಿನ್ನದ ಚೂಱಿಲಿ ಕಟ್ಟಲು ಬೇಕೇ, ಮನೆಯೊನ್ದಿದ್ದರಾಗದೇ ||

♀ಗ್ರಾನೈಟ್ ಹಾಸಿನ ನುಣ್ಣೆಲವಿರಲಿ, ಪಡುಗೋಣೆಗೆ ಮಾರ್ಪಿನ್ಕಳ ಹಂಚಿರಲಿ |
♂ಆ ಕಱಿಕಲ್ಲಿನ ಹಾಸಿನ ನುಣ್ಣೆಲವೇಕೆ, ನಿನ್ನ ನುಣುಗೆನ್ನೆಗಳಿಲ್ಲವೇ ನನಗಾಗಿ |
♂ಬಲು ವಿಸ್ತರ ಹರವಿನ ಮಾಳಿಗೆಯೋ, ಬಲು ಎತ್ತರ ಪರಿಗೆಯ ನಡುಮನೆಯೋ |
♂ನಮಗೇತಕ್ಕೆ ಬಾನ್ಚುಂಬಿಗಳು, ನಮ್ಮದಿನ್ನೂ ಬಲುಹಿನದ್ದಲ್ಲವೇ ||

♀ಎರಡೋ ಮೂಱೋ ಕಟ್ಟೋಣ, ಕೆಂಗಲ್ಲಿನ ಅನ್ದದ ಪರಿಗೆಗಳ |
♀ಎರಡೋ ಮೂಱೋ ಹಚ್ಚೋಣ, ಜೀವಿತ ಬೆಳಗುವ ಹಣತೆಗಳ |
♂ಎರಡೋ ಮೂಱೋ ಕಟ್ಟಲೇಕೆ? | ನೆಲ ಪರಿಗೆಯಲ್ಲದೆ ಇನ್ನೊನ್ದೇಕೆ? |
♂ನಾವೊನ್ದಾಗಿರಲ್ ನಮಗೆರಡೇಕೆ? | ಒನ್ದಿದ್ದರೂ ಬೆಳಗದೇ ಜೀವಿತವ? ||

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
♪ಟಿಪ್ಪಣಿ♪ : (ಕೊರೆತ)
೧. ಪರಿಗೆ = ಫ್ಲೋರ್. ಇದು ನಾನು ಠಂಕಿಸಿರುವ ಶಬ್ದ. ಇದರನ್ತೆಯೇ ಇನ್ನೂ ಕೆಲ ಶಬ್ದಗಳು ಬೞಕೆಗೆ ಯೋಗ್ಯವಾದರೆ ಇಟ್ಟುಕೊಳ್ಳಬಹುದು. :)
ನೆಲ ಪರಿಗೆ = ಗ್ರೌಣ್ಡ್ ಫ್ಲೋರ್, ತಳ ಪರಿಗೆ = ಬೇಸ್‍ಮೆಣ್ಟ್, ಮೇಲಣ ಪರಿಗೆಗಳು = ಅಪ್ಪರ್ ಫ್ಲೋರ್‍ಸ್. ತಳಪರಿಗೆ/ತಲಪರಿಗೆ (http://kannada.indiawaterportal.org) ಈ ಮೊದಲೇ ಆಂಧ್ರ ಮತ್ತು ತುಮಕೂರು ಜಿಲ್ಲೆಯ ಕೆಲವೆಡೆ ಬೞಕೆಯಲ್ಲಿದೆ. ಅದು ನೀರು ಕೆೞಗಿನಿನ್ದ ಮೇಲಕ್ಕೆ ಹರಿಯುವನ್ತೆ ಮಾಡಿಕೊಣ್ಡ ವ್ಯವಸ್ಥೆ.
೨. ಬಲು ವಿಸ್ತರ ಹರವು = ವೆರಿ ಲಾರ್‍ಜ್ ಏರಿಯಾ
೩. ಎತ್ತರ ಪರಿಗೆ = ರೆಯಿಸ್ಡ್ ಫ್ಲೋರ್
೪. ನಡುಮನೆ = ಹಾಲ್
೫. ಬಾನ್ಚುಂಬಿ = ಸ್ಕೈ ಸ್ಕ್ರೇಪರ್. ಮನೆಯನ್ನು ಸ್ಕೈ ಸ್ಕ್ರೇಪರಿನನ್ತೆ ಯಾರೂ ಕಟ್ಟದಿದ್ದರೂ ಇದೊನ್ದು ಹಾಡಾಗಿರುವುದರಿನ್ದ ಅದರದ್ದೇ ಆದ ಉತ್ಪ್ರೇಕ್ಷೆ ಅದಕ್ಕು ಇದೆ.
೬. ಕೆಂಗಲ್ಲು = ಕೆಂಪು ಕಲ್ಲು / ಲ್ಯಾಟರೈಟ್. ಕರಾವಳಿಯಲ್ಲಿ ಮತ್ತು ನಮ್ಮಲ್ಲಿ ಮನೆಗಳ ಕಟ್ಟಲು ಕೆಂಗಲ್ಲೇ ಆಗಬೇಕು. ಈಗೀಗ ಸೋಲಿಡ್ ಮತ್ತು ಹೋಲೋ ಬ್ಲಾಕುಗಳು ಬನ್ದಿವೆ.
೭. ಪಡುಗೋಣೆ = ಬೆಡ್ ರೂಮ್ / ಮಲಗುವ ಕೋಣೆ
೮. ಕಱಿಕಲ್ಲು = ಗ್ರಾನೈಟ್. ಈಗಾಗಲೇ ಬೞಕೆಯಲ್ಲಿರುವ ಶಬ್ದವಾದರೂ ಒಳನಾಡಿನಲ್ಲಿ ಹೆಚ್ಚಿನ ಬೞಕೆಯಿಲ್ಲ.
೯. ಚಿನ್ನದ ಚೂಱು = ಬಹಳ ಬೆಲೆಬಾಳುವ ವಸ್ತು. ವಸ್ತುಗಳ ಬೞಕೆ ಹಿತಮಿತವಾಗಿದ್ದರೂ ಕಟ್ಟುವ ಶ್ರದ್ಧೆಯೇ ಮುಖ್ಯವೆಂಬ ಭಾವವನ್ನು ಮಾತುಪಲ್ಲಟದಲ್ಲಿ ತರಲು ಯತ್ನಿಸಿರುವೆನು.
೧೦. ಸೂಱು = ಮಾಡು. ಈಗಾಗಲೇ ಬೞಕೆಯಲ್ಲಿರುವ ಶಬ್ದ.
೧೧. ಕಳ = ಆಯತ/ ಚೌಕ.(ಮಾತಿನಲ್ಲಿರುವ ಬೞಕೆ) ಹಂಚು = ಟೈಲ್ (http://en.wikipedia.org/wiki/Tile) . ಪಿನ್ಕಳ ಎನ್ದರೆ ಸೆರಾಮಿಕ್ ಟೈಲ್. (ಪಿಂಗಾಣಿಯಿನ್ದ ಪಿನ್). ಮಾರ್ಪಿನ್ಕಳ ಹಂಚೆನ್ದರೆ ವಿಟ್ರಿಫೈಡ್ ಟೈಲ್ (http://aavaas.com/2007/09/06/vitrified-tiles-what-is-it-exactly). ಅದನ್ನು ತಯಾರಿಸುವಾಗ (ಗಾಜಿನನ್ತೆ) ಮಾರ್ಪಡಿಸುವ ಕಾರಣ ವಿಟ್ರಿಫೈಡ್ ಟೈಲ್ ಎನ್ನುತ್ತಾರೆ. ರೆಕ್ಟಿಫೈಡ್ ಟೈಲ್(http://ciaotile.com/2008/07/07/what-is-rectified-tile) ಆದರೆ ಮಱುಮಾರ್ಪಿನ್ಕಳ ಹಂಚು ಎನ್ನಬಹುದು. [ ಈ ಹಾಡಿನಲ್ಲಿ ಅದಕ್ಕೆ ಸ್ಥಾನವಿಲ್ಲ. ;) ]
೧೨. ಚೂೞ್ + [ಏೞನೇ ವಿಭಕ್ತಿ ಪ್ರತ್ಯಯ] = ಚೂಱಿಲಿ / ಚೂಱಿನಲ್ಲಿ. (ಆಡುಮಾತಿನಲ್ಲಿ ಇನ್ ಬೞಸದಿದ್ದರೂ 'ಚೂಱಿನಲ್ಲಿ' ಎನ್ನುವಲ್ಲಿ ಇನ್ ಇದೆ. ವ್ಯಂಜನಾನ್ತ ಅಥವಾ ಉಕಾರಾನ್ತವಾದ ಕಾರಣ ಇನ್ ಸೇರಿದೆ. )
ಇಲ್ಲಿ ಬೞಕೆಯ ರೀತಿಯನ್ನು ಪ್ರಯೋಗಿಸಿರುವೆನು. ಚೂಱಿಲಿ ಎನ್ನುವಾಗ ಚೂರಿ(ಚಾಕು)ಯಲ್ಲಿ ಎಂಬ ಅರ್ಥ ಬಾರದು. 'ಚೂರಿಯಲ್ಲಿ' ಎಂಬ ಅರ್ಥ ಬರಬೇಕಾದರೆ 'ಚೂರೀಲಿ' ಎನ್ನಬೇಕು. ಭಾಷೆಯಲ್ಲಿ ಎನನ್ಸಿಯೇಟಿವ್ ಮುಖ್ಯ. ಅದು ಬಿಟ್ಟುಹೋದರೆ ಅರ್ಥವೂ ಗೊತ್ತಾಗದು, ಅವುಗಳ ಪಡಿಮಾರ್ಪುಗಳೂ ಗೊತ್ತಾಗವು. ಈಗಣ ಬೞಕೆ 'ಚೂರೀನಲ್ಲಿ' ಎನ್ದಿದ್ದರೂ ಅದು ಸರಿಯಾದ ಪ್ರಯೋಗವಲ್ಲ.
ಚೂರಿ + [ಏೞನೇ ವಿಭಕ್ತಿ ಪ್ರತ್ಯಯ] = ಚೂರೀಲಿ / ಚೂರಿಯಲ್ಲಿ

ಕನ್ನಡ ರಾಜ್ಯೋತ್ಸವದ ಶುಭಸನ್ದರ್ಭದಲ್ಲಿ ಹೊಸ ರೀತಿಯ ಬೞಕೆಗಳು ಮತ್ತು ೞ,ಱ ಪ್ರಯೋಗಗಳೊನ್ದಿಗೆ ಕನ್ನಡ ಭಾಷೆ ಸಿರಿದುಂಬಿಕೊಳ್ಳಲಿ.

ಕನ್ನಡದ ವಾಗ್ದೇವಿ ಸಕಲರಿಗೂ ಸನ್ಮಂಗಳನ್ನುಣ್ಟುಮಾಡಲಿ.
♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠