ವೀರಾಂಜನೇಯನಿಗೆ ನಮನ - 5 ' ಕರುಣಿಸು ಓ ಮಹನೀಯ'

ವೀರಾಂಜನೇಯನಿಗೆ ನಮನ - 5

ಕರುಣಿಸು ಓ ಮಹನೀಯ


ಕರುಣಿಸು ಓ ಮಹನೀಯ |
ನಾ ಎರಗುವೆ ವೀರಾಂಜನೇಯ ||ಪ||

ದುಗುಡಗಳಳಿಯಲು ಬಲವನು ನೀಡೋ |
ಮಾಸದ ನಂಬುಗೆಗಳ ದಯಮಾಡೋ ||
ಚಿರನೂತನ ಜೀವನ ಅನ್ವೇಷಣ |
ಯುಕುತಿಗೆ ಮುಕುತಿಯ ಗತಿಗಣಿಮಾಡೋ  ||1||

ರಾಮನೆಂಬ ಎರಡಕ್ಷರ ಮಹಿಮೆಗೆ |
ಹನುಮನೆಂಬ ಮೂರಕ್ಷರ ಸಾಕ್ಷಿ ||
ರಾಕ್ಷಸ ಕುಲಕೋಲಾಹಲ ಭೀಮನೆ |
ಸಾತ್ವಿಕ ಸಂಪನ್ನನೆ ಕೊಡು ಭಕ್ತಿ ||2||

ಅತುಳ ವಿಕ್ರಮನೆ ಸಹನೆಯ ನೀಡೋ |
ಉದ್ವೇಗದ ಪರಿಪರಿ ಪರಿಹರಿಸೋ ||
ಚಿತ್ತಕೆ ಶಾಂತಿಯ ಜ್ಞಾನವ ಕೊಟ್ಟು |
ರಾಮಸಾಗರದಿ ತೇಲಾಡಿಸೋ ||3||


                                                                 -    ಸದಾನಂದ