ಹಾಡೋಣ ಬನ್ನಿ ಕನ್ನಡಿಗರೇ ಇಂದು!!!

ಕನ್ನಡದ ಉಳಿವಿಗಾಗಿ ಯಾರೂ ಹೋರಾಡಬೇಕಾಗಿಯೇ ಇಲ್ಲ
ನಮ್ಮ ನಡೆ ನುಡಿಗಳಲ್ಲಿ ಸದಾ ಕನ್ನಡ ಇದ್ದರೆ ಅದುವೇ ಸಾಕಲ್ಲ

ಹೋರಾಟ ಮಾಡಿದವರೆಲ್ಲಾ ಕನ್ನಡವನು ಬಳಸಿದರೆಂದೇನೂ ಇಲ್ಲ
ಕನ್ನಡವ ಬೆಳೆಸಿದವರೆಲ್ಲಾ ಹೋರಾಟಗಾರರಾಗಿದ್ದರೆಂದೇನೂ ಅಲ್ಲ

ಹೋರಾಟ ಹಾರಾಟ ಇವು ಉಳಿಯುತ್ತವೆ ಬರೀ ಬಾಯಿ ಮಾತಾಗಿ
ಹೋರಾಡುವರು ಜನರಿಲ್ಲಿ ಹೆಚ್ಚಾಗಿ ತಮ್ಮ ಹೆಸರಿನ ಪ್ರಸಿದ್ಧಿಗಾಗಿ

ಹೋರಾಟಕೆ ಇಳಿಯೋಣ ನಾವೆಲಾ ಕೈಯಲ್ಲಿ ಲೇಖನಿಯ ಹಿಡಿದು
ಬರಿಯ ಬಾಯಿ ಮಾತೇಕೆ ಸಾರೋಣ ನಾವೆಲ್ಲಾ ಕನ್ನಡದಿ ಬರೆದು

ಬಳಕೆಯಿಂದಲೆ ಬೆಳೆಯುವುದು, ಬೆಳೆದರೆ ತಾನೇ ಉಳಿಯುವುದು
ಜೊತೆ ಜೊತೆಗೆ ನಾವೆಲ್ಲಾ ಹಾಡೋಣ ಬನ್ನಿ ಕನ್ನಡಿಗರೇ ಇಂದು

ಕನ್ನಡವ ಬಳಸೋಣ, ಕನ್ನಡವ ಕಲಿಸೋಣ, ಕನ್ನಡವ ಬೆಳೆಸೋಣ
ಕನ್ನಡವ ಉಳಿಸೋಣ, ಬನ್ನಿ ಎಲ್ಲಾ ಒಂದಾಗಿ ಕನ್ನಡವ ಉಳಿಸೋಣ