ಹೇಗಿದೆ ದೀಪಾವಳಿ ಹಬ್ಬ

ಹೇಗಿದೆ ದೀಪಾವಳಿ ಹಬ್ಬ

ಸಜ್ಜನ ಬಂಧುಗಳೇ ನೀವೆನ್ನಿರಿ
ಹೇಗಿದೆ ದೀಪಾವಳಿ ಹಬ್ಬ ||
ಹಚ್ಚಿದ ದೀಪಗಳೆಲ್ಲವು ಬೆಳಗಲಿ
ಎನ್ನುವವರಲಿ ನಾನೊಬ್ಬ ||ಪ||

ತೈಲಭ್ಯಂಗದ ನರಕ ಚತುರ್ದಶಿ
ಊಟಕೆ ಬೂರೆಯ ಕಡುಬಿರಲಿ ||
ಮನಮೆಚ್ಚಿನ ಸೊಸೆ ಅಳಿಯರ ಜೊತೆಯಲಿ
ಮನೆತನವೆಂಬುದು ತುಂಬಿರಲಿ ||೧||

ಧನಲಕ್ಷ್ಮಿಯ ಪೂಜೆಯು ಅಮಾವಾಸ್ಯೆಯ   
ಮುಸ್ಸಂಜೆಗೆ ಅದ ಮರೆಯದಿರಿ ||
ಜಣ ಜಣ ಸದ್ದಿನ ಕಾಲಂದುಗೆಗಳ  
ನಿನದವು ಸಂತತ ಮೆರೆದಿರಲಿ ||೨||

ಬಲಿಪಾಡ್ಯಮಿ ಶುಭ ದಿವಸದ ಹೋಳಿಗೆ
ರುಚಿ ಕಟ್ಟಲಿ ದೀಪಾವಳಿಗೆ ||
ಸಂಜೆಗೆ ಬೆಳಗಿದ ದೀಪದ ಸಾಲಿಗೆ
ನಳನಳಿಸಲಿ ಸಂಭ್ರಮ ಘಳಿಗೆ ||೩||

                                                     - ಸದಾನಂದ