ಅಂಗಳ ಪಕ್ಕ ಗಿಡವಿದು ಎಕ್ಕ

ನಮ್ಮ ಮನೆಯಾ ಅಂಗಳ ಪಕ್ಕಾ

ಬೆಳೆದಿದೆ ಹಸಿರಿನ ಗಿಡವಿದು ಎಕ್ಕಾ

ಹೂವಿನ ಗೊಂಚಲು ಬಿಟ್ಟಿದೆ ಗಿಡವು

ಅವುಗಳ ನಡುವಲಿ ಮೊಗ್ಗಿದೆ ಕೆಲವು

ಎರಡಿದೆ ಜಾತಿಯು ಎಕ್ಕದ ಗಿಡದಿ

ಕೆಲಗಿಡ ಹೂಗಳು ಬೆಳ್ಳನೆ ಬಣ್ಣದಿ

ಬೇಗನೆ ಒಣಗದು ಅರಳಿದ ಹೂವು

ಅಡಗಿದೆ ಗಿಡದಲಿ ಔಷಧ ಗುಣವು

ದೇವನ ಪೂಜೆಗೆ ಬಳಸಲು ಬಹುದು

ಕೀಳದೆ ಗಿಡದಲಿ ಇಡಲೂ ಬಹುದು

ಪೋಣಿಸಿ ಮಾಡಿದ ಮಾಲೆಯು ಸೊಗಸು

ಮಾಲೆಯ ಮೊಳೆಯಲಿ ನೇಲಿಸಿ ಉಳಿಸು||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್