ಅರಸಿ ಅರಸಿ ಎನ್ನರಸಿ
ಗಂಡ : ಅರಸಿ ಅರಸಿ ಎನ್ನರಸಿ
ಜೊತೆಯಲಿ ಮಾತಾಡೆ ನನ್ನರಸಿ
ಕೈಯಾ ಹಿಡ್ಕೊಂಡು ಸಂತೆಗೆ ಹೋಗೋಣ
ಕಾಯಿಪಲ್ಲೆ ಹೂವಿನ ಸರವನ್ನು ತರೋಣ
ಹೆಂಡತಿ : ಸಂತೆನೂ ಬೇಡ ಕಾಯಿಪಲ್ಲೆ ಬೇಡ
ಸಿನಿಮಾಕ್ಕೆ ಕರ್ಕೊಂಡು ಹೋಗು
ಗಂಡ : ಬಳೆ ಅಂಗ್ಡಿಗೆ ಹೋಗಿ ಬಳೆಯನ್ನ ತರೋಣ
ಕೈ ತುಂಬ ಬಳೆಯನ್ನ ಹಾಕಿಕೊ ನನ್ನ ವೀಣ
ಹೆಂಡತಿ : ಅಂಗ್ಡಿನು ಬೇಡ ಬಳೆನು ಬೇಡ
ಮಾಲಿಗೆ ಕರ್ಕೊಂಡು ಹೋಗು
ಗಂಡ : ಸ್ಕೂಟರು ಅಂಗಡಿಗೆ ನಾವಿಂದು ಹೋಗೋಣ
ಸೈಕಲ್ಲು ಬಿಟ್ಟು ಸ್ಕೂಟರನ್ನು ತೆಗೋಳೋಣ
ಹೆಂಡತಿ : ಸೈಕಲ್ಲು ಬೇಡ ಸ್ಕೂಟರೂ ಬೇಡ
ಕಾರಿನ ಅಂಗಡಿಗೆ ಕರ್ಕೊಂಡು ಹೋಗು
ಗಂಡ : ಬಿಸಿಬೇಳೆ ಬಾತು ಮಾಡ್ಕೊಂಡು ತಿನ್ನೋಣ
ರಾಗಿಮುದ್ದೆ ಸಾರು ಉಣ್ಣುತ್ತ ಮಲಗೋಣ
ಹೆಂಡತಿ : ಬಿಸಿಬೇಳೆನೂ ಬೇಡ ರಾಗಿ ಮುದ್ದೇನೂ ಬೇಡ
ತಾಜಮಹಲು ಹೋಟ್ಲಿಗೆ ಕರ್ಕೊಂಡು ಹೋಗು
ಗಂಡ : ಹೀಂಗಾದ್ರೆ ಹ್ಯಾಗೆ ಸಂಸಾರ ಸಾಗೋದು ?
ದುಡಿದದ್ದು ಎಲ್ಲಾ ಹಾಳಾಗಿ ಹೋಯ್ತಲ್ಲೆ !
ತಲೆಯ ಮೇಲೆ ಕೈಹೊತ್ತ ಗಂಡ
ಜಗಲಿಯೆ ಗತಿಯೆಂದು ಹೊರ ಮಲಗಿದ
-ಹಾ ಮ ಸತೀಶ
