ಅವನು ಯಾರು ?

 ಅವನು ಯಾರು ?

ನಿಮ್ಮ ಮನದ ಮನೆಯಲ್ಲಿರುವವನು 

ನೆನಪಿನ ನೆಪವಾಗಿ ಬರುವವನು 

ಮಾತಿನಲಿ ಮಾನವ ಗೆದ್ದವನು 

ಸ್ಪರ್ಶದಲಿ ರಂಗೋಲಿ ಬಿಡಿಸಿದವನು 

ಪ್ರೀತಿಸಿ ಹೃದಯ ಕದ್ದವನು

ಅವನು ಯಾರು ?

ದು:ಖದಲಿ ರೆಪ್ಪೆಯಾಗಿ ನೆನೆದವನು 

ಕತ್ತಲಲಿ ಬೆಳಕಾಗಿ ಬಂದವನು 

ಚಿಂತೆಯಲಿ ನಿದ್ದೆಯಾಗಿ ಮಲಗಿಸಿದವನು 

ಭಾವನೆಗಳ ಗೋಡೆಗೆ ಬಣ್ಣವಾದವನು

ಅವನು ಯಾರು ?

ಮೌನದಲಿ ನೆನಪಾಗಿ ನಗಿಸಿದವನು 

ರಾತ್ರಿಯಲಿ ಕನಸಾಗಿ ಜೊತೆ ಬರುವವನು

ಕನಸಿನಲಿ ಪ್ರೀತಿಯ ಓಲೆ ಬರೆದವನು 

ನನ್ನುಸಿರು ನಿಂತಾಗ ನಿಟ್ಟುಸಿರು ಬಿಟ್ಟವನು 

ಅವನು ಯಾರು ?

ನಿಮ್ಮ ಮನದ ಮನೆಯಲ್ಲಿರುವವನು