ಈ ಬದುಕು ಪ್ರೀತಿಸು-ಸಂಭ್ರಮಿಸು...

ಬದುಕುಂಟು ಅನುಭವಿಸಲು,

ಬದುಕುಂಟು ಸಂಭ್ರಮಿಸಲು,

ಬದುಕುಂಟು ಪ್ರೀತಿಸಲು,

ಬದುಕಿನ ಜೊತೆ ನಿತ್ಯ ಸಾಗಲು,

ಈ ಬದುಕುಂಟು ಬದುಕಿ ಬಾಳಲು,

ಬದುಕುಂಟು ಬದುಕಿನಲ್ಲಿ ನೋವುಂಟು-ನಲಿವುಂಟು,

ಏನಿರಬಹುದು ಈ ಬದುಕಿನ ಜೊತೆ ನಮ್ಮ ನಂಟು..

ಬದುಕಿದರೆ ಹೀಗೆ,

ಬದುಕಲೇಬೇಕು ಹೀಗೆ,

ಬದುಕೆಂದರೆ  ಹೇಗೆ, 

ಬಗೆಹರಿಯದು ಈ ಬದುಕಿನ ಬಗೆ..

ಹಳೆಯ ನೆನಪುಗಳು,

ಈಗಿನ ಅನುಭವಗಳು,

ಮುಂದಿನ ದಿನಗಳ ಯೋಚನೆಗಳು,

ಬರಿಯ ನೋವುಗಳು- ಕಷ್ಟಗಳು- ಚಿಂತೆಗಳು,

ಬದುಕಿನ ಪೀಕಲಾಟಕಗಳು-ಬಗೆಹರಿಯದ ಕೊಡವೆಗಳು,

ಬದುಕನ್ನು ಸಂಭ್ರಮಿಸುವುದು ಹೇಗೆಂದು ಅರಿಯದ ಮನಸುಗಳು,

ಇದರಲ್ಲೇ ಮುಗಿಯುವ ಸೆಕೆಂಡುಗಳು,

ಸಂಭ್ರಮಿಸುವುದೆಲ್ಲಿ ಎಂಬ ಹಲವು ಪ್ರಶ್ನಾರ್ಥಕಗಳು...

ಎಲ್ಲಿದ್ದರೇನು-ಹೇಗಿದ್ದರೇನು,

ಏನಿದ್ದರೇನು ಏನಿಲ್ಲದಿದ್ದರೇನು,

ಬಡವನಾದರೇನು ಶ್ರೀಮಂತರಾದರೇನು,

ಪ್ರತಿಕ್ಷಣ ಅನುಭವಿಸಬೇಕು ಜೀವನವನ್ನು,

ಸವಿಯಬೇಕು ಉಚಿತವಾಗಿ ಸಿಗುವ ಸಂತೋಷವನ್ನು..

ಹಣಕೊಟ್ಟು ಕೊಂಡುಕೊಳ್ಳಲಾಗದು ಸಂತೋಷ,

ಸಂತೋಷ ಪಡಲು ಅತ್ಯಮೂಲ್ಯ ಪ್ರತಿ ನಿಮಿಷ,

ಸಂಭ್ರಮಿಸಲು ಕಾರಣ ಹುಡುಕದಿರಿ,

ನಕ್ಕು ನಲಿಯುತ್ತಾ ನೋವಾ ಮರೆಯುತಾ ಖುಷಿಯಾಗಿರಿ...

-ಶಾಂತಾರಾಮ ಶಿರಸಿ