ಎಚ್ ಪಿಯ ಟ್ಯಾಬ್ಲೆಟ್

ಐಫೋನಿನ ಅಗ್ಗದ ಮಿನಿ ಸೆಟ್‌ನ್ನೂ ಮಾರಾಟಕ್ಕೆ ಒದಗಿಸಲು ಆಪಲ್ ತಯಾರಿ ನಡೆಸಿದೆಯಂತೆ.ಇನ್ನೂರು ಡಾಲರು ಬೆಲೆಯ ಸೆಟ್ ಈಗಿನ ಐಫೋನುಗಳ ಅರ್ಧ ಗಾತ್ರದ್ದಿರುತ್ತದೆ.ಅದರಲ್ಲಿ ಸಿಮ್ ಬದಲಿಸದೆ,ಸೇವಾದಾತೃಗಳನ್ನು ಬದಲಿಸಲು ಅವಕಾಶ ಸಿಗಲಿದೆ ಎಂದು ವರದಿ.ಸ್ಮಾರ್ಟ್ ಫೋನ್ ಮಾರುಕಟ್ಟೆಯೇ ಅಲ್ಲದೆ,ಅಗ್ಗದ ಸೆಟ್‌ಗಳ ಪಾಲೂ ಪಡೆಯಲು ಆಪಲ್ ಹವಣಿಸಿ,ಈ ನಿರ್ಧಾರ ತಳೆದಿರಬಹುದು.

ಗಂಟೆಗೆ ಎರಡು ಸಾವಿರ ಚಪಾತಿ ತಯಾರಿಸಬಲ್ಲ ಯಂತ್ರದ ಸಹಾಯದಿಂದ ಚಪಾತಿ ತಯಾರಿಸಿ,ಬೇಕಾದ ಹೋಟೆಲ್,ಬಳಕೆದಾರರಿಗೆ ತಲುಪಿಸುವ ಸೇವೆಯನ್ನು ಲಂಚ್ ಡಬ್ಬಾ ಕಂಪೆನಿ ನೀಡುತ್ತಿದೆ.ಬೆಂಗಳೂರಿನ ಗ್ರಾಹಕರಿಗಷ್ಟೇ ಸದ್ಯಕ್ಕೆ ಪೂರೈಕೆ ಸೀಮಿತವಾಗಿದೆ.ಈ ಚಪಾತಿಗಳು ತಿನ್ನಲು ರೆಡಿಯಾಗಿರುತ್ತವಾದರೂ,ಬೇಕಾದರೆ ಉಗಿಯಲ್ಲಿ ಬಿಸಿ ಮಾಡಿ ತಿನ್ನಬಹುದಾಗಿದೆ.ಬೆಲೆಯೂ ಹೆಚ್ಚಿಲ್ಲ.ಎರಡು ರೂಪಾಯಿಗೂ ಕಡಿಮೆ ದರದಲ್ಲಿ ಪ್ರತಿ ಚಪಾತಿಯನ್ನು ಪೂರೈಸಲು ಲಂಚ್ ಡಬ್ಬಾಕ್ಕೆ ಸಾಧ್ಯವಾಗಿದೆ.