ಎಡಬಲಗಳ ಕುಱಿತು ಒಂದು ವಿವೇಚನೆ
ಎಡ, ಬಲ ಇದನ್ನು ಬೇಱೆ ಬೇಱೆ ಭಾಷೆಗಳಲ್ಲಿ ಬೇಱೆ ಬೇಱೆ ಪದಗಳಿಂದ ಕರೆದರೂ ಭಾವವೊಂದೇ ಆಗಿರುವುದು ಕಂಡು ಬರುತ್ತದೆ. ಕೆೞಗಿನ ಕೋಷ್ಟಕದಲ್ಲಿ ವಿವೇಚನೆಗೆ ಮುಂಚೆ ಏನು ಶಬ್ದಗಳೆಂದು ನೋಡೋಣ.
PÀ£ÀßqÀ |
JqÀ | §® |
¸ÀA¸ÀÌöÈvÀ | ªÁªÀÄ | zÀQët |
English |
Left |
Right |
Greek |
Levo(laevo) |
dexter |
ಕನ್ನಡದಲ್ಲಿ ಎಡ, ಎಡವು, ಎಡರು, ಎಡಗ ಮತ್ತು ಎಡವಟ್ಟು ಇವು ಏನನ್ನಾದರೂ ಸಮರ್ಪಕವಾಗಿ ಆಗದಿದ್ದಾಗ ಬೞಸುವ ಶಬ್ದಗಳು. ಎಡವು=ತಪ್ಪು, ಎಡರು=ಕಷ್ಟ, ಎಡಗ= ಅಪ್ರಯೋಜಕ ಮತ್ತು ಎಡವಟ್ಟು=ಏನೋ ಸರಿಯಾಗಿ ಆಗಿಲ್ಲ. ಅಂದರೆ ಕನ್ನಡದಲ್ಲಿ ಎಡಕ್ಕೆ ಅಸಮರ್ಪಕ, ನಿಷ್ಪ್ರಯೋಜಕ ಇತ್ಯಾದಿ ಅರ್ಥ. ಆದರೆ ಬಲ=ಬಲವುಳ್ಳದ್ದು. ಇದಕ್ಕೆ ಕಾರಣ ಹೆಚ್ಚಿನ ಜನರು ದೇಹದ ಬಲಭಾಗವನ್ನು ಸಮರ್ಪಕವಾಗಿ ಬೞಸುವುದೇ ಕಾರಣವಿರಬಹುದು. ಸಂಸ್ಕೃತದ ವಾಮ=ಎಡದ ಮೂಲ ವಮ್=ವಾಂತಿಮಾಡು, ಬಿಡು. ಹಾಗಾಗಿ ವಾಮ ಇಲ್ಲಿಯೂ ಉಪಯೋಗಕ್ಕೆ ಬಾರದೆ ಬಿಟ್ಟಿದ್ದು. ದಕ್ಷಿಣ=ಬಲ, ದಕ್ಷ ಎರಡು ದಕ್ಷತೆಯ ದ್ಯೋತಕ. ಆಂಗ್ಲದ left= ಬಿಟ್ಟಿದ್ದು, ಅಂದರೆ ಇಲ್ಲೂ ಎಡಕ್ಕೆ ಸ್ಥಾನವಿಲ್ಲ. ಆದರೆ right=ಸರಿ, ದಕ್ಷ, ಬಲ (right person/man). ಇಲ್ಲೂ ಬಲಕ್ಕೆ ಪ್ರಾಶಸ್ತ್ಯ. ಗ್ರೀಕಿನ laevo(levo)=ನಿರ್ವೀರ್ಯಗೊಳಿಸಿದ್ದು, ಶಕ್ತಿಹೀನಗೊಳಿಸಿದ್ದು ಎಂದು ಎಡಕ್ಕೆ ಅರ್ಥ. dexter=ಬಲ, ಸಮರ್ಥ, ಶಕ್ತಿಯುಳ್ಳ ಎಂಬ ಅರ್ಥ ಬಲಕ್ಕೆ. ಈ ವಾದದಿಂದ ಎಡಚರು (ಎಡಭಾಗವನ್ನು ಸಮರ್ಥವಾಗಿ ಬೞಸುವವರು ಅಥವಾ ವಾಮಪಂಥೀಯರು ನನ್ನ ಮೇಲೆ ಕೋಪ ಮಾಡಿಕೊಳ್ಳಬೇಡಿ. ಭಾಷೆಯಲ್ಲಿ ಎಡಬಲದ ಮಹತ್ವದ ಕುಱಿತು ನನ್ನ ವಿವೇಚನೆಯಷ್ಟೆ.