ಎದೆಗೂಡಲ್ಲಿ...

ಎದೆಗೂಡಲ್ಲಿ ಮಿನುಗುವ ನೆನಪುಗಳ ತಾರೆ
ಹನಿಯಮುತ್ತುಗಳು ಕೂಡಿ ಒಂದಾದ ನೀರೆ
ಸೂರ್ಯಕಿರಣವು ಮಳೆಯ ಸೋಕಿ ಮೂಡಿದ ಕಾಮನಬಿಲ್ಲಿನ ಬಳೆ
ಕೆರೆಯ ಕರೆಗೆ ಮೊಳಗಿದ ತಾವರೆ, ಏನು ನಿನ್ನ ಪ್ರೇಮದ ಲೀಲೆ!

ಅತಿಯಾಗಿ ಕಾಡಿದೆ ನಿನ್ನ ಪರಿಚಯ
ನಿನ್ನ ಇಂಪಾದ ನಾದಕ್ಕೆ ಮಿಡಿದಿದೆ ಈ ಹೃದಯ
ಮಾತಾದೆ ಮೌನದಲ್ಲಿ, ಬೆರೆತು ಹೋದೆಯಲ್ಲ ನನ್ನ ದಿನಚರಿಯಲ್ಲಿ
ನೀನಿಲ್ಲದೆ ದಾರಿ ಇನ್ನೆಲ್ಲಿ

ಕನಸುಗಳ ಪಟದ ದಾರ ನೀನಾದೆ
ಈ ಬಂಧನದ ಚೆಲುವಿಗೆ ಚಂದ್ರಲೋಕವು ಅರಳಿದೆ
ನನ್ನೀ ಪಯಣದಲ್ಲಿ ನಿನ್ನ ಹಾಜರಿ ಜರೂರಿ
ಜಂಟಿಯಾಗಿ ಹೋಗುವ ಸವಾರಿ ಪ್ರೀತಿಯ ರಥವನ್ನೇರಿ