ಎರಡು ಗಝಲ್ ಗಳು

ಗಝಲ್ ೧

ಅರ್ಥಗಳನು ಹುಡುಕುತ್ತಲೇ ಕೊರಗದಿರು

ಅನರ್ಥಗಳು ನಡೆಯುತ್ತಲೇ ಕೊರಗದಿರು

ಮಲಗಿದೆ ಯಾಕೆ ಪ್ರೀತಿಯು ಸಿಗಲಿಲ್ಲವೆ

ಪ್ರೇಮಿಸುವರ ನೋಡುತ್ತಲೇ ಕೊರಗದಿರು

ತುಂತುರಾಗಿರುವ ಮಳೆಯೊಳಗೆ ಇರಬೇಡ

ಜೀವನದೊಳಗಲ್ಲಿ ಓಡುತ್ತಲೇ ಕೊರಗದಿರು

ದಟ್ಟವಾಗಿರುವ ಅಡವಿಯೊಳಗೆ ಸಾಗಬೇಡ

ಚೆಲುವೆಯರೆಲ್ಲ  ಹೋಗುತ್ತಲೇ ಕೊರಗದಿರು

ಮೌನವಾಯಿತೆಂದು ಸುಡಬೇಡ  ಸವಿಯನು

ಪೂರ್ಣಚಂದ್ರನನ್ನು ಕಾಣುತ್ತಲೇ ಕೊರಗದಿರು

***

ಗಝಲ್ ೨

ಒಲವಿರುವ ಮಾತುಗಳ ಮನದಿಂದ ತಿಳಿಸಿದೆ 

ನೋವಿರುವಂತ ಹೃದಯಕ್ಕೆ ಕಣ್ಣಿಂದ ತಿಳಿಸಿದೆ

ತನುವಿನಾಳದೊಳು ನೆನಪುಗಳು ಇರುವುದೇಕೆ

ತೊಟ್ಟಿಕ್ಕುತಲೆ ಪ್ರೀತಿಸುವ ಹನಿಯಿಂದ ತಿಳಿಸಿದೆ

ಪ್ರೇಮ ಮಂದಿರದ ಅಡಿಯಾಳು ನಾನಿಂದು

ನಲುಮೆ ಮೂಡುತಲೇ ಸವಿಯಿಂದ ತಿಳಿಸಿದೆ

ಶಯನಗೃಹ ಒದ್ದಾಡುವುದ ಕಂಡು ಮರುಗಿದೆ

ಮೆತ್ತಗಿರುವಂತ ಹಾಸಿಗೆಗೆ ಕನಸಿಂದ ತಿಳಿಸಿದೆ

ನೋವು ಮಾಯುವ ಮುನ್ನವೆ ಬರುವನೇ ಈಶಾ

ಸುರಿವಂತ ಮದುವಿಗಿಂದು ಚೆಲುವಿಂದ ತಿಳಿಸಿದೆ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ