ಒಂದಿಷ್ಟು ಹನಿಗಳು !

ನಡುಪಂತೀಯ 

ಏಡಗೈ

ಬಲಗೈಗಳ ಮಧ್ಯೆ

ನನ್ನ ದೇಹವದು

ಇದ್ದು

ಪ್ರಾಮುಖ್ಯತೆಯನು

ಪಡೆವಂತೆ....

ನಾನು-

ಎಡಪಂತೀಯನೂ ಅಲ್ಲ;

ಬಲಪಂತೀಯನೂ ಅಲ್ಲ

ಎರಡೂ ಕೈ ಬೀಸಿ-

ದೇಹ ಸಮತೋಲನದಲಿಟ್ಟು

ನಡೆವ ನಡುಪಂತೀಯ!

***

ಓ..ಕನ್ನಡ ತಾಯ್..  

ನಾನ್ ಈ ಕನ್ನಡ

ತಾಯಿಯ

ಪರಮ ಸೇವಕನ್;

ಆಕೆ ಕೊಟ್ಟ

ಭಿಕ್ಷೆಯ ತಿನ್ನುವ

ಭಿಕ್ಷುಕನ್....

ತಿರಿಯದೆ ತಿನ್ನುವ ಶಕ್ತಿ

ಕೊಟ್ಟದ್ದಕ್ಕಾಗಿ;

ತೊದಲದೇ ಕನ್ನಡವ

ನುಡಿಸಿದ್ದಕ್ಕೆ-

ತಾಯೇ ನಿನ್ನೀ ಪಾದಕಮಲಗಳಲಿ

ಇಡುವೆನ್ ಎನ್ನೀ ಶಿರವನ್!

***

ಗಣಗಳ ರಾಷ್ಟ್ರ ಭಾರತ 

ಹಲವು ಭಾಷೆ ಧರ್ಮಗಳ

ಗಣರಾಜ್ಯ-

ಎಲ್ಲರೂ ಸುಖ-ಸಂತೋಷದಲಿ

ಕೂಡಿ ಬಾಳುತಲಿರುವ

ನಮ್ಮ ಚೆಲುವ

ಭಾರತ ನಾಡೂ...

ಇದರಲೋರ್ವ ತಾಯಿ; 

ಖಳೆಯ ಚೆಲುವೆ;

ಎಲ್ಲರನಾಕರ್ಷಿಸುತಲಿ

ಕರೆಯುತಿಹಳು-

ಅವಳೇ ನಮ್ಮ ಕನ್ನಡತಿ

ಶ್ರೀಗಂಧದ ಬೀಡು!

***

ಅಮ್ಮ...! 

ಆಕೆ-

ನನ್ನ ಪ್ರೀತಿಯ ಅಮ್ಮ...

ತೋರಿಸಿ

ಹೆದರಿಸಲಿಲ್ಲ

ಎಂದೂ

ಭಯದ ಗುಮ್ಮ....

ತುತ್ತು ತುತ್ತಿಗೊಂದು

ಎನ್ನ  ಕೆನ್ನೆಗಳಿಗೆ

ಲೊಚಲೊಚನೆ

ಮುತ್ತನಿತ್ತದ್ದ ನೋಡಿ-

ನಾಚಿಕೊಂಡನೇ

ಆ ಸೃಷ್ಟಿಕರ್ತ ಬ್ರಹ್ಮ!?

***

ಜೀವನದ ಸರಾಸರಿ 

ತೆಗಳಿದರು-

ಕೊರಗಲಿಲ್ಲ;

ಹೊಗಳಿದರು

ಹಿಗ್ಗಲಿಲ್ಲ;

ಬರೀ

ನಿಟ್ಟುಸಿರಬಿಟ್ಟೆ...

ನಾನು 

ಗಣಿತದ ಮೇಷ್ಟ್ರು-

ಎರಡನೂ ಸೇರಿಸಿ

ಸರಾಸರಿ ಮಾಡಿ

ಅರೆದು

ಕುಡಿದುಬಿಟ್ಟೆ!

***

ಕಣ್ಣೀರು ಮತ್ತು ಜ್ವಾಲಾಗ್ನಿ 

ಸುರಿವ

ಮಳೆಯೊಳಗೆನ್ನ

ನಿಲ್ಲಿಸಿಬಿಡು ದೇವಾ-

ಎನ್ನ ದುಃಖದ ಕಣ್ಣೀರು

ಯಾರಿಗೂ

ಕಾಣಿಸದಿರಲಿ....

ಜೊತೆಗೆ-

ನನ್ನೀ

ಉರಿವ

ಜ್ವಾಲಾಗ್ನಿಯ

ಕಣ್ಣುಗಳೂ

ತಣ್ಣಗಾಗಿ ಬಿಡಲಿ!

-ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ