ಒಂದಿಷ್ಟು ಹನಿಗಳು !

ರಮ್ಯಾ ಮತ್ತು ಮದುವೆ! 

ಪಾಯಸದ

ಸಿಹಿ ಊಟ

ಯಾವಾಗ್ಲಾದ್ರೂ

ಹಾಕಿಸಬಹುದು-

ಓ ಮೋಹಕ

ತಾರೆ ರಮ್ಯಾ...

ಈ ಮದುವೆಯ

ಗತ್ತು ಗೈರತ್ತಿನ

ಸಿಹಿ ಊಟ ಮಾತ್ರ-

ಜೀವನದಲ್ಲಿ

ಒಂದೋ ಎರಡೋ

ಸಾರಿ ಅಷ್ಟೇ ಕಣಮ್ಮಾ!

***

ಸಿ ಎಂ ಮತ್ತು ಕುರ್ಚಿ 

ಗಾಲಿ ಕುರ್ಚಿಯಲ್ಲಿ

ಸಿ ಎಂ-

ಎಂತಹ

ಪರಿಸ್ಥಿತಿಗೂ ಕುರ್ಚಿ

ಬಿಟ್ಟುಕೊಡದ

ಗಟ್ಟಿಗಾರಿಕೆ...

ಇದು-

ಎಲ್ಲಾ ಲಘುವಾಗಿ

ತೆಗೆದುಕೊಳ್ಳುವ

ಸಿ ಎಂ ಗೆ-

ದೇಹ ಕೊಟ್ಟ

ಎಚ್ಚರಿಕೆ!

***

ಜನರ ಮಧ್ಯೇ ಖುಷಿ ಪಡುವ ಸರದಾರ! 

ರಾಜಕೀಯ

ನಿವೃತ್ತಿ ಇಲ್ಲ;

ಜನರ ಮಧ್ಯೆ

ಇರುವುದೇ

ಖುಷಿ-

ಸಿದ್ದರಾಮಯ್ಯಾ...

ಜನರ ಮಧ್ಯೇ ಇದ್ದು

ಖುಷಿಪಡುವುದಾದರೆ-

ನಮ್ಮೂರ ಪ್ರಸಿದ್ಧ

ಜಾತ್ರೆಯ

ಜನಜಂಗುಳಿ

ಆಗಬಹುದೇ ಅಯ್ಯಾ!?

***

ವ್ಯವಹಾರ ಚತುರ ಟ್ರಂಪ್...! 

ಒಟ್ಟಿನಲ್ಲಿ

ಟ್ರಂಪ್

ಯುದ್ಧದಾಹಿಯಲ್ಲ;

ಭಲೇ

ವ್ಯವಹಾರ

ಚತುರ...

ಎಲ್ಲಾ ದೇಶಗಳಿಗೂ

ತೆರಿಗೆಭೂತ

ಹೊರಡಿಸಿ-

ಅಮೇರಿಕೆಯ ಬೊಕ್ಕಸ

ತುಂಬಿಸಿಕೊಳ್ಳುವ

ಸಿರಿವರ!

***

ದೋಸೆಗೊಂದು ಕಾಲ ಚಟ್ನಿಗೊಂದು ಕಾಲ...

ದೋಸೆಗಿಂತ

ಚಟ್ನಿಗೆ

ತೆಂಗಿನಕಾಯಿ

ದುಬಾರಿ-

ಹೊಟೆಲ್ ಮಾಲಿಕರು

ಕಂಗಾಲು...

ಅದಕ್ಕೇ

ಇರಬೇಕು

ದೊಡ್ಡವರು

ಹೇಳಿದ್ದು-

ಅತ್ತೆಗೊಂದು ಕಾಲ

ಸೊಸೆಗೊಂದು ಕಾಲ!

***

ದೇವೇಗೌಡ್ರು 

ಛಲದಂಕ ಮಲ್ಲ

ರಾಜಕೀಯ ಮುತ್ಸದ್ದಿ-

ಈ ವಯಸಲ್ಲೂ

ನೀರಿಗಾಗಿ ಮತ್ತೆ

ಹೋರಾಟಕ್ಕಿಳಿದ

ಗೌಡರು...

ಎಂತೆಂಥಹಾ

ಪ್ರವಾಹದ ವಿರುದ್ಧ

ಹೋರಾಡಿದ

ಸಹಜ ಈಜುಗಾರ;

ರಾಜಕೀಯ 

ಚತುರ ವೀರರು!

-ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ