ಒಂದು ಒಳ್ಳೆಯ ನುಡಿ - (26) ಬಾಳಿಗೊಂದು ಅರಿವು

*ಗಾದೆಗಳು* (ನಾಣ್ನುಡಿ) ಎಂದರೆ, ನಮ್ಮ ಹಿರಿಯರು ತಮ್ಮ ಜೀವನಾನುಭವವನ್ನು ಆಡುಭಾಷೆಯಲ್ಲಿ ಪದಗಳ ಸಂಗ್ರಹ ಮೂಲಕ ರಚಿಸಿದ *ವಾಕ್ಯವೇ* ಆಗಿದೆ. ಗಾದೆಗಳ ಮೂಲಕ *ಜ್ಞಾನ, ತಿಳುವಳಿಕೆ, ಚುರುಕುತನ, ವಿಡಂಬನೆ, ಹಾಸ್ಯ, ಸಂಕ್ಷಿಪ್ತತೆ* ಸಿಗುತ್ತದೆ. ಇವು ಗಾದೆಯ ಲಕ್ಷಣಗಳು ಸಹ. ಸರಳ ಸುಂದರವಾದ, ಅರ್ಥಗರ್ಭಿತವಾದ ಪದಗಳು, ಮನೋಹರವಾದ ವಾಕ್ಯಗಳು, ಒಳನೋಟದ ಗೂಡಾರ್ಥಗಳು ಗಾದೆಯಲ್ಲಿವೆ. ಅನುಭವಗಳ ರಸಪಾಕವೇ ಗಾದೆ. *ಗಾದೆಗಳನ್ನು ವೇದಕ್ಕೆ ಸಮ* ಎಂದೂ ಹೇಳುತ್ತಾರೆ.

*ನಮ್ಮ ಮನಸ್ಸಿನಾಳದಲ್ಲಿ ಹುದುಗಿರುವ ಭಾವನೆಗಳನ್ನು ಗಾದೆಗಳು ಸೂಚಿಸುತ್ತವೆ.

*ದ್ವಂದ್ವಾರ್ಥಗಳನ್ನು ಸೂಚಿಸುತ್ತದೆ.

*ನೀತಿಯನ್ನು ಸಾರುತ್ತದೆ.

*ಸನ್ನಿವೇಶಗಳನ್ನು, ಸಂದರ್ಭಗಳನ್ನು, ಅರ್ಥವತ್ತಾಗಿ ಹೇಳುತ್ತದೆ.

*ಅಡಕವಾಗಿರುವ ಜೀವನಮೌಲ್ಯಗಳು ತ್ರಿಕಾಲ ಸತ್ಯವಾಗಿದೆ.

*ಕೆಲವೊಂದು ಸಂದರ್ಭಗಳಲ್ಲಿ ಹಾಸ್ಯ, ವಿಡಂಬನೆ, ಮೂಲಕ ಚುಚ್ಚುಮಾತುಗಳೂ ಇರುತ್ತವೆ.

*ಮಾತಿನ ಮೆರುಗು ಹೆಚ್ಚುತ್ತದೆ.

*ನೀತಿಪಾಠಗಳನ್ನು ಕಲಿಯಬಹುದು.

*ಬೆಲೆ ಬಾಳುವ ವಜ್ರದಂತಿವೆ.

*ಅನುಭವಾಮೃತ ಅಡಕವಾಗಿದೆ.

*ಸತ್ಯ ಶಾಶ್ವತ, ಸುಳ್ಳು ಕ್ಷಣಿಕ ಎಂಬುದು ಗಾದೆಗಳ ತಿರುಳು.

*ಚಿಕ್ಕ ವಯಸ್ಸಿನಲ್ಲಿ ಮಕ್ಕಳಿಗೆ ಗಾದೆಗಳ ಬಗ್ಗೆ ತಿಳುವಳಿಕೆ ನೀಡಬೇಕು.

ಈ ಎಲ್ಲಾ ಅಂಶಗಳನ್ನೂ ಗಾದೆ ಒಳಗೊಂಡಿದೆ.

ನಾವು ಕಥೆ, ಘಟನೆ, ಸನ್ನಿವೇಶ, ಪ್ರಬಂಧ, ಸಾಹಿತ್ಯ ಪ್ರಕಾರಗಳಲ್ಲಿ ಒಂದಷ್ಟು *ಗಾದೆ ಮಾತುಗಳನ್ನು* ಅಳವಡಿಸಿದರೆ ಲೇಖನದ ವಾಕ್ಯಗಳಿಗೆ ಮೆರುಗು, ಚೆಲುವು ಹೆಚ್ಚುತ್ತದೆ.

(ಸಂಗ್ರಹ) ರತ್ನಾ ಭಟ್ ತಲಂಜೇರಿ