ಒಂದು ಗಝಲ್

ಪಥವನು ಬದಲಿಸಿ ಸೂರ್ಯ ರಶ್ಮಿಯ ತಂದ ಸಂಕ್ರಾಂತಿ

ಮನೆಮನಗಳಲಿ ನಲಿಯುತಿರೆ ಬಹಳ ಚಂದ ಸಂಕ್ರಾಂತಿ

ರಂಗವಲ್ಲಿಯ ಚಿತ್ತಾರ ಬಾಗಿಲ ಮುಂದೆ ಅಲಂಕಾರವು

ಅಂಗಳದಲ್ಲಿ ರಾಶಿಹಾಕಿದ ಪೈರಿನ ಅಂದ ಸಂಕ್ರಾಂತಿ

ಎಳ್ಳು ಬೆಲ್ಲದ ಜೊತೆಗೆ ಹುಗ್ಗಿಯ ಪಾಯಸ ನೀಡುತಲೆ ಸಾಗಿ

ಸಿಹಿಕಹಿಯ ಹಂಚುತ ಬಂತು ನೋಡು ಕಂದ ಸಂಕ್ರಾಂತಿ

ಸುಖದ ಶಾಂತಿ ಆರೋಗ್ಯ ಭಾಗ್ಯ ಲಭಿಸಿ ಜನವು ಬಾಳಲು

ಉಲ್ಲಾಸ ಉತ್ಸಾಹ ಸ್ನೇಹವರಿತು ಇಲ್ಲೆ ನಿಂದ ಸಂಕ್ರಾಂತಿ

ಮೊದಲ ಹಬ್ಬ ಜನರ ನಲಿವು ನೋಡಿ ಈಶ ಹರಸಿದ

ಉತ್ತರಾಯಣ ಪುಣ್ಯಕಾಲಕೆ ನಲಿದು ಬಂದ ಸಂಕ್ರಾಂತಿ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ