ಒಂದು ಗಝಲ್

ಚಿಗುರದಿರುವ ಜೀವನದೊಳಗೆ ಒಲುಮೆಯಿಂದು ಮೂಡಲಿಲ್ಲ ಗೆಳತಿ

ಐಶ್ವರ್ಯ ತುಂಬಿದ್ದರೂ ಬದುಕಲ್ಲಿಯ ಗೆಲುವದು ಹಾಡಾಗಲಿಲ್ಲ ಗೆಳತಿ

ಇಂದಲ್ಲ ನಾಳೆ ಸರಿಯಾಗಬಹುದೆನ್ನುವ ಪ್ರಯತ್ನವು ಸೋತು ಹೋಯಿತೇಕೆ

ಬೇಸರದಾಳದೊಳಗಿನ ಧ್ವನಿಯೊಳಗೆ ಭಾವನೆಯದು ಉಸಿರಾಡಲಿಲ್ಲ ಗೆಳತಿ

ಚಿಂತನೆಗಳು ಚಿಂತೆಗಳೆನ್ನುವ ಆಳದ ನಡುವೆಯೆ ಪಯಣಿಸಿತ್ತಿರುವ ನಾವಿಕನಾಗಿದೆ

ಕಲ್ಪ ವಿಕಲ್ಪಗಳ ಸಂಘರ್ಷದಲ್ಲಿ ತನುವಿನಾಳದ ಪಯಣ ಮುಂದೆ ಸಾಗಲಿಲ್ಲ ಗೆಳತಿ

ಬಯಕೆಗಳೇ ಮೂಡದೆಯಿರಲು ಹೊಂಬಿಸಿಲು ಉದಯಿಸಿದರೆ ಪ್ರಯೋಜನವಿದೆಯೆ

ಹೊಂಗಿರಣಗಳ ಚೆಲುವಿನೊಳಗಿನ ಘಮ್ಮೆನ್ನುವ ಮನವದುವು ಸವಿಯಾಗಲಿಲ್ಲ ಗೆಳತಿ

ಚೈತ್ರದ ಆಗಮನಗಳ ನಿರೀಕ್ಷೆಯಲ್ಲಿದ್ದರೂ ಹೃದಯವಿಂದು ಅಳುತಿದೆಯಲ್ಲ ಈಶಾ

ಭ್ರಾಂತಿಯೆನುವ ಉದ್ದಗಲದ ನಡುವೇ ಉಪಚರಿಸದ ತನುವು ಅರಳಲಿಲ್ಲ ಗೆಳತಿ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ