ಒಂದೇ ತಪ್ಪಿಗೆ!
ಕವನ
ದೊಡ್ಡ ಮನೆಯ ಕಾವಲು ಕೆಲಸ,
ಗುಡಿಸಿ ಹಲವು ವರುಷಗಳ ಕಸ.
ಗೇಟಿನ ಬಳಿ ಪುಟ್ಟ ನಿವಾಸ,
ಇರದಷ್ಟು ಬಂಗಲೆಯ ಸಹವಾಸ.
ರಾತ್ರಿ ಗೇಟಿಗೆ ತಪ್ಪದು ಬೀಗ,
ಸಂತಸ ವೇತನ ಕೈಸೇರಿದಾಗ.
ಮಡದಿ-ಮಕ್ಕಳು ದೂರದಿ ಇರಲು,
ಮನೆಯವರಿಗೆ ತಪ್ಪದದರಲಿ ಪಾಲು.
ಆ ದಿನ ನಾನು ಕರೆಯಲಿ ಮಗ್ನ,
ಬೀಗ ಜಡಿಯದ ಗೇಟು ನಗ್ನ.
ಅರುಹಿದಳು ಮಡದಿ ಕೂಸ ಸುದ್ದಿ,
ಅನಾರೋಗ್ಯದಿ ಕುಗ್ಗಿಹಳು ಬುದ್ಧಿ.
ಯಾರು ನುಗ್ಗಿದರು ಕಾಣೆನು ನಾನು?
ಕಳುವಾದ ಚಮಚ ಚಿನ್ನದ್ದೇನು?
ಕ್ಷಮಿಸದೇ ಶಿಕ್ಷಿಸಿದರೆ ನನ್ನ ಪಾಡೇನು?
ಒಂದೇ ತಪ್ಪಿಗೆ ನಾ ಬೇಡವಾದೆನೇನು?
-ನಿರಂಜನ ಕೆ. ನಾಯಕ
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಚಿತ್ರ್
