ಒಪ್ಪಲೇನಿದೆ?

ನಾನು ಒಪ್ಪಲೇನಿದೆ

ಈ ಭೂಮಿಯ ?

ನಾ ಬುವಿಗೆ ಬಂದಾಗಲೇ

ಈನ ನೆಲ ನನ್ನ

ಬಿಗಿದಪ್ಪಿ ಮುದ್ದಿಸಿದೆ

ಹರಸಿ ಸಲಹಿದೆ

ಜೀವನದ ದಾರಿಯ ತೋರಿಸಿ

ತಾನು ಮರೆಯಲ್ಲಿ ನಿಂತಿದೆ !

ನನ್ನ ತಪ್ಪುಗಳ ಹೇಳುತ್ತಾ

ಒಪ್ಪ ದಾರಿಯಲ್ಲಿ ನಡೆಸಿದೆ

ಬೆಪ್ಪನಂತ್ತಿದ್ದ ನನಗೆ

ಮರುಜನುಮ ನೀಡಿದೆ

ಕನಸುಗಳ ಕಳಕೊಂಡ ನನಗೆ

ಮತ್ತೆ ಕನಸಿನ ಜೊತೆಗೆ

ನನಸುಗಳ ಕೊಟ್ಟಿದೆ !

ಎಡರು ತೊಡರುಗಳ ಎಡೆಯೆ

ಸರಿ ದಾರಿಯನು ತೋರಿಸಿದೆ

ಹಿಂಸೆಯ ದಾರಿಯ ತುಳಿದವಗೆ

ಅಹಿಂಸೆಯ ಮಾರ್ಗವ ಅರುಹಿದೆ

ಕಷ್ಟವ ಅರಿತು ಬಾಳುವುದರ

ಮನದಾಳಕೆ ಕಲಿಸಿದೆ

ಅದರಂತೆ ನಡೆಸಿದೆ

ಬಾಳಲಿ ನೆಮ್ಮದಿಯ 

ಕೊಟ್ಟಿದೆ !

ಈ ಬುವಿಯೆ ಸ್ವರ್ಗವಾಗಿಹುದೆನಗೆ

ಎಲ್ಲವನ್ನೂ ಕಲಿತು ಬೆಳೆದವನು

ಸತ್ಯತೆಯ ನಡುವೆ ನಡೆದವನು

ಸ್ನೇಹತ್ವದ ನಡುವೆ ಬಾಳಿದವನು

ಹೀಗೆಯೇ ಇರಲಿ ಜೀವನ ಸಂಭ್ರಮವು

ಬಾಳ ಪಲ್ಲವಿಯೊಳು ಸರ್ವಭವತತ್ವವು !

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ