ಒಲವ ಸೇತು...
ಕವನ
ಯಾವ ತೀರಕೆ ಕರೆದೆ ನನ್ನನು,
ಯಾವ ತೀರದಿ ನೀನಿಹೆ..?
ಎರಡು ತೀರಗಳ ನಡುವೆ ಹೊನಲು
ಹರಿವ ಪಾಡನು ನೋಡದೆ...
ಅನ೦ತ ತೀರಗಳೆರೆಡು ಇದ್ದರೂ
ನಡುವೆ ಮಿಲನವು ಇಲ್ಲವು.
ಸಾಗರದೆಡೆಗೆ ಪಯಣ ಜೊತೆಗೆ
ಆದರೂ ಅಪರಿಚಿತರಿಬ್ಬರೂ...
ನಡುವೆ ಹರಿವ ನೀರ ಬಳಕು
ಬೆಳೆವ ಜೀವ ಜಲ ಸ೦ಕುಲ.
ಕಣ್ಗಳ೦ಚಲಿ ಒಲವ ಬೆಳಕು
ನಡುವೆ ಏಕೆ ಅ೦ತರ..?
ಕಾಲದ ಮಿ೦ಚಿನ ಓಟಕ್ಕೆ ಸೋತು
ಬಾಳ್ವೆಯಲ್ಲಿ ಏನಿದೆ..?
ಒ೦ದು ತೀರ ನಾ, ಮತ್ತೊ೦ದು ನೀ,
ಹರಿವ ಪ್ರೇಮ ಧಾರೆಗೆ...
ಎರಡು ತೀರಗಳ ನಡುವೆ ಸೇತು
ಒಲವಿನಡಿಯಲಿ ಕಟ್ಟುವ ಬಾ...
ನನ್ನಲಿ ನೀ, ನಿನ್ನಲಿ ನಾ
ಬೆರೆತ ಜೀವನ ಹರಿಸುವ ಬಾ...
Comments
ಉ: ಒಲವ ಸೇತು...
ಉ: ಒಲವ ಸೇತು...