ಓ ಚಂದಿರ…

ಓ ಚಂದಿರ ಯುಗಾದಿ ವಸಂತ ಚಂದಿರ

ಆಕಾಶದಲಿ ನೀ ಎಷ್ಟೊಂದು ಸುಂದರ

ನಿನ್ನ ನೋಡುವ ಮನುಜರು ಚಿನ್ಮಯರು

ನಿನ್ನ ದರ್ಶನ ಭಗವತ್ಚಿಂತನ ಪಾವನ ||೧||

ನಿಸರ್ಗ ಆಕಾಶದ ಏನು ಚಿತ್ತಾರ

ನಿನ್ನಾ ಹುಟ್ಟು ಏನು ವಿಸ್ಮಯವು

ಏನು ಸುಂದರವು ನಿನ್ನಾ ಗುಟ್ಟು

ನಿಸರ್ಗವೇ ಉತ್ತರಿಸಬೇಕು ನಿನ್ನೆಲ್ಲಾ ಚಮತ್ಕಾರ ||೨||

ಗಣೇಶ ಚೌತಿಯಲ್ಲಿ ನಿನ್ನ ನೋಡಲೊಲ್ಲರು

ಇಳೆಯ ಜನರು; ಎಂಥ: ಕೌತುಕ !

ಯುಗಾದಿಯಲಿ ಪರವಶ ಭಕ್ತಿಯಲಿ ನೋಡುವರು

ಇಳೆಯ ಜನರು; ಎಂಥ: ಕೌತುಕ ! ||೩||

ಓ ಚಂದಿರ ನೀ ವಿಸ್ಮಯ ಕವಿಹೃದಯ ಕವನಗಾರ

ಜಗಕೆ ನೀನು ಮಾತ್ರ ಸುರಸುಂದರಗಾರ

ಸಕಲ ಜೀವಾತ್ಮಕೂ ನೀ ಆನಂದ ಸಾಗರ

ಜಗಬೆಳಗುವ ಸೂರ್ಯ ಸಂಗಮದಲಿ ನೀ ಅಮರ ||೪||

- ಜಂಬರಘಟ್ಟ ಟಿ ಮಂಜಪ್ಪ, ಶಿವಮೊಗ್ಗ