ಕನಸ ಕಂಗಳ ಬೆಡಗಿ

ಹುಣ್ಣಿಮೆ ದಿನ ಹಾಲು ಬೆಳಕು

ಚೆಲ್ಲಿ ನಲಿತು ತಿಂಗಳು

ಹೆಣ್ಣಿನ ಮನದೊಳಗೆ ತುಂಬ

ಕೋಟಿ ಕನಸ ಕಣ್ಗಳು||

ಸೂರ್ಯ ಚಂದ್ರ ತಾರೆಗಳನು

ಹೊತ್ತ ಬಾನು ಚೆಂದವು

ಧೈರ್ಯದಿಂದ ಸಾಧಿಸಿದರೆ

ಚಂದ್ರಯಾನ ಸಾಧ್ಯವು ||

ಅಂದು ಕೊಂಡು ಮನಸಿನೊಳಗೆ

ಅಭ್ಯಾಸವನು ಮಾಡಲು

ಇಂದು ಇಸ್ರೋದಲ್ಲಿ ನುರಿತ

ವಿಜ್ಞಾನಿಯಲಿ ಒಬ್ಬಳು ||

ರಾಕೆಟಿನಲಿ ನಿತ್ಯ ಪಯಣ

ಸೂರ್ಯಚಂದ್ರ ಜತೆಯಲಿ

ರಾಣಿಯಾಗಿ ಗಗನವೆಲ್ಲ

ಸುತ್ತುತಿಹಳು ನಲಿವಲಿ ||

ತಂದೆ ತಾಯಿ ಮಗಳ ನೋಡಿ

ಹೆಮ್ಮೆಯನ್ನು ಪಟ್ಟರು

ಒಂದೇ ಎಂದು ಗಂಡು ಹೆಣ್ಣು

ಬೇಧ ಸಲದು ಎಂದರು ||

-ಶ್ರೀ ಈರಪ್ಪ ಬಿಜಲಿ