ಕಲಿಕಾ ಚೇತರಿಕೆ

ಚೇತರಿಸು ಚೇತರಿಸು ಚೇತರಿಸು ಮಗುವೆ

ಕಲಿವಿನುನ್ನತಿಗಾಗಿ ಚೇತರಿಸು ಮಗುವೆ||ಪ||

ಶಾಲೆ ಮುಚ್ಚಿತು ಅಂದು

ಕೊರೋನಾ ಮುಂದಡೆ ನಿಂದು

ಹದಿನೆಂಟು ತಿಂಗಳಲಿ

ಕಲಿಕೆಯಂತರ ಬಂದು...

ನಡುಗಿಸಿತು ನಲುಗಿಸಿತು

ವಿದ್ಯೆಯಡಿಪಾಯವನೆ

ಬೋಧಿಸಿತು ಶಿಕ್ಷಣಕೆ

ಶಾಲೆಯೇ ಆಧಾರ...||೧||

ಕನಸುಗಳು ಕಮರುತಿರೆ

ವರ್ಗ ಬದಲಾಗುತಿರೆ

ಆರು ಏಳೆಂಟೆಂದು

ವರ್ಷಗಳೆ ಉರುಳುತಿರೆ...

ನಿನ್ನ ಜ್ಞಾನದುನ್ನತಿಗೆ

ಬಂದಿಹುದು ಚೇತರಿಕೆ...||೨||

ಕಲಿಕೆಯಾ ವಸ್ತುವನು

ಅರೆದು ಕುಡಿಸಲು ಬೇಡಿ

ಅರೆಯುವುದ ಕಲಿಸಿ ಕೊಡಿ

ಕಲಿಕಾಫಲವನ್ನು....

ಹಿಂದೆ ಉಳಿಯುವರನ್ನೂ 

ಪಿಡಿದು ಮುಂದಕೆ ತರಲು

ಚಟುವಟಿಕೆ ಹಾಳೆ ಜತೆ

ಕುಣಿಸಿ ಬಿಡು ಮಗುವನ್ನು...||೩||

ಓದದಿರೆ ಬರೆಯದಿರೆ

ಮುಂದೆ ಬಂದುದೆ ಮಿಥ್ಯ!

ಓದು ಬರೆಹವೆ ಪಠ್ಯ

ಕಲಿಕೆಯದು ನಿತ್ಯ

ಕೂಡದಿರೆ ಕಳೆಯದಿರೆ

ನಿತ್ಯ ವ್ಯವಹಾರದಲಿ

ಬಾಳು ಅಂಕೆಗೆ ಸಿಗದು

ತಿಳಿದುಕೊ ಸತ್ಯ...||೪||

-ಜನಾರ್ದನ ದುರ್ಗ, ಪುತ್ತೂರು