ಕಾಪಾಡು ಗುರುರಾಯ

ಕಲಿಯುಗದ ಕಾಮಧೇನು

ಕಲ್ಪವೃಕ್ಷ  ಸ್ವಾಮಿಯೇ/

ಅನವರತ ರಕ್ಷಿಸುತಲಿ

ಕರುಣೆಯ ತೋರಿಸೆಯಾ//

ಪವಿತ್ರ ಬೃಂದಾವನದಲಿ

ಆರಾಧನೆಯ ನಡೆಸುತಲಿ/

ಭಕುತರೆಲ್ಲ ಒಂದಾಗುತಲಿ

ನಾಮ ಸಂಕೀರ್ತನೆ ಪಾಡುತಲಿ//

ಸ್ಮರಣೆ ಮಾಡ್ವೆವು ತಂದೆ

ಚಿಂತೆ ಕಳೆಯೊ ಇಂದೆ/

ನಂಬಿ ಪಾದಮೂಲವಿಂದೆ

ಗುರುವೆ ಕಾಪಾಡು ಮುಂದೆ//

ಸಂಸಾರ ಮೋಹ ತ್ಯಾಗಿ

ಮಧುರ ಮನದ ಯೋಗಿ/

ಭವ ಬಂಧನ ಕಳಚುತಲಿ

ಇಷ್ಟಾರ್ಥವು ಕೈಗೂಡುತಲಿ//

ತುಂಗಾ ತೀರದಿ ನೆಲೆಸಿ

ಶರಣು ಬಂದವರ ಉದ್ಧರಿಸಿ/

ಪವಾಡ ಹಿರಿಮೆಯಲಿ  ಮೆರೆದು

ಎಲ್ಲರನು ಸಲಹಿ ಕರೆದು//

ರಾಘವೇಂದ್ರ ಗುರುರಾಯ

ನಿಂತ ನೆಲವೆ ಆಲಯ/

ಶ್ರದ್ಧೆಯಲಿ ಗೈದು ಸೇವೆ

ಪೊಡಮಡುವೆ ಸದಾ ಕಾಯೊ//

-ರತ್ನಾ ಕೆ ಭಟ್ ತಲಂಜೇರಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ