ಕಾಪಾಡು ಮಂಜುನಾಥ

ದೇವಾ ಎಲ್ಲಿರುವೆ ನೀನು ಕೈಲಾಸವಾಸ

ಕಾಪಾಡು ನಮ್ಮನು ಮಂಜುನಾಥ  ||ದೇವಾ ||

ನಂಬಿದೆ ನಿನ್ನನು ಮಹಾನಿಧಿಯೆ

ತುಂಬಿದೆ ಮನಕೆ ಆನಂದವನು |

ನಿನ್ನ ಮಹಿಮೆಯೊಂದೆ ಜಗದೊಡೆಯನೆ

ಇಂಬನು ನೀಡೆಮಗೆ ನಾಗಭರಣನೆ ||

ಕದ್ರಿಯಿಂದ ಬಂದೆ ಶುದ್ಧ ವಿಗ್ರಹನೆ

ಧರ್ಮಸ್ಥಳದಲಿ ನೆಲೆನಿಂತವನೆ |

ಸರ್ವ ಮಾನವರ ನೆಲೆಬೀಡು

ಸರ್ವ ಧರ್ಮಗಳ ಭಕ್ತರಿಗಾ ಶ್ರಯವು ||

ಭಯ ಭೀತಿ ಕಳೆವ ಅಣ್ಣಪ್ಪನ ನಾಡು

ಕರ್ಮವ ಕಳೆವ ನೇತ್ರಾವತಿಯ ಬೀಡು |

ಗಾಳಿಯು ನೀನೆ ಬೆಂಕಿಯು ನೀನೆ

ಭಕ್ತರ ರಕ್ಷಕ ಶಂಭೋ ಶಂಕರ ||

-ಸುಭಾಷಿಣಿ ಚಂದ್ರ