ಕಾಪಾಡು ಸಿದ್ಧಿವಿನಾಯಕ

ಮದವೂರ ಗಣಪತಿ ದಯೆದೋರು

ವರನೀಡು ನೀ

ಶ್ರೀಮದವೂರ ಗಣಪತಿ ದಯೆದೋರು||ಪ||

ಚರಣದೆ ಮಣಿದಿಹೆ ಜಗದೋದ್ದಾರನೆ

ಮಾಡುತಲಿರುವೆನು ನಿನ್ನಾರಾಧನೆ

ಕರಿಮುಖ ಗಣಪಗೆ ಭಕ್ತಿಯ ವಂದನೆ

ಮಾಡಿಸು ನನ್ನಲಿ ಉತ್ತಮ ಸಾಧನೆ

ಸಿದ್ಧಿಯ ಕರುಣಿಸು ಸಿದ್ಧಿವಿನಾಯಕ

ಬುದ್ಧಿಯ ಕರುಣಿಸು ಬುದ್ಧಿಪ್ರದಾಯಕ

ವಿದ್ಯೆಯ ಕರುಣಿಸು ವಿದ್ಯಾದಾಯಕ

ಸದ್ಗುಣ ಕರುಣಿಸು ಗಣಗಳ ನಾಯಕ||೧||

ಮೋದಕ ಪ್ರಿಯನಿಗೆ ಮೋದಕವಿರಿಸಿದೆ

ತುಪ್ಪದಿ ಮಾಡಿದ ಅಪ್ಪವನಿರಿಸಿದೆ

ಚಕ್ಕುಲಿ,ಉಂಡೆಯ ಇರಿಸಿದೆ ಮರೆಯದೆ

ಈ ಜಗದೊಡೆಯನೆ ಕಾವುದು ಪ್ರೇಮದೆ||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್